تالقىلاۋعا دەپۋتاتتار ازىرلەگەن عىلىم ماسەلەلەرى بويىنشا زاڭ جوباسىن قاراۋ ۇسىنىلادى. قۇجاتتا جەرگىلىكتى اتقارۋشى ورگانداردىڭ عىلىم سالاسىنداعى وكىلەتتىكتەرىن كەڭەيتۋ, الەۋمەتتىك كەپىلدىكتەردى ۇلعايتۋ جانە پەداگوگتەر مەن عىلىمي قىزمەتكەرلەر ءۇشىن قوسىمشا تولەمدەر بەرۋ كوزدەلەدى.
ەكىنشى وقىلىمدا ماجىلىسمەندەر بايلانىس, تسيفرلاندىرۋ جانە اقپاراتتاندىرۋ سالاسىنىڭ ينۆەستيتسيالىق احۋالىن ارتتىرۋ ماسەلەلەرى تۋرالى زاڭ جوباسىن قارايدى. دەپۋتاتتار باستاماشى بولعان بۇل زاڭ جوباسى تەلەكوممۋنيكاتسيالىق ينفراقۇرىلىمدى دامىتۋعا, قالالار مەن ەلدى مەكەندەردەگى بايلانىستىڭ قولجەتىمدىلىگىن قامتاماسىز ەتۋگە جانە ساپاسىن جاقسارتۋعا باعىتتالعان.
الداعى جالپى وتىرىستا تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ قوعامدىق دەنساۋلىق ساقتاۋ سالاسىنداعى سانيتارلىق-ەپيدەميولوگيالىق سيپاتتاعى توتەنشە جاعدايلاردىڭ الدىن الۋ جانە ولارعا دەن قويۋ جونىندەگى ىنتىماقتاستىعى تۋرالى كەلىسىمدەرگە, زياتكەرلىك مەنشىك قۇقىقتارىنىڭ ساۋدا اسپەكتىلەرى, سونداي-اق وزبەكستانمەن وداقتاستىق قاتىناستار تۋرالى شارتتارعا قاتىستى راتيفيكاتسيالىق زاڭ جوبالارىن تالقىلاۋ ۇسىنىلادى.
سونىمەن قاتار ءماجىلىس كوميتەتتەرى كولىك قۇرالدارىنىڭ جەكەلەگەن تۇرلەرىنىڭ قوزعالىسىن ۇيىمداستىرۋ جانە جول قاۋىپسىزدىگىن تسيفرلاندىرۋ, سونداي-اق تۋريستىك سالانى قولداۋ ماسەلەلەرى بويىنشا جاڭا زاڭ جوبالارىن جۇمىسقا الادى.
