ەرتىس-بايان ءوڭىرىنىڭ ولەڭسۇيەر قاۋىمى ايتىسكەر اقىننىڭ ەرەكشە شىعارماشىلىق كەشىنە كۋا بولدى. جاڭا كىتاپ – 150-گە جۋىق جەكە-دارا ولەڭ-شۋماقتان تۇراتىن ءبىرتۇتاس پورترەتتىك پوەما. مۇندا وسىنشاما تاريحي تۇلعانىڭ, تاۋ تۇلعانىڭ بەينەسى ولەڭمەن بەدەرلەنگەن. اۆتور تاۋ-تۇلعالاردى جىرلاپ قانا قويماي, وتكىنشى ءومىردىڭ قادىرىن بىلۋگە ۇندەپ, جالعان دۇنيەنىڭ ءمانى – اتا-بابالارداي ۇلتقا قىزمەت ەتۋ, حالىققا پايدا تيگىزۋ ەكەنىن ۇقتىرا تۇسەدى.
كىتاپتىڭ تاعى ءبىر ەرەكشەلىگى – ولەڭگە ارقاۋ بولعان ءار تۇلعانىڭ سۋرەتى قوسا بەرىلگەن. سۋرەتتەردى سالعان – قازاقستان سۋرەتشىلەر وداعىنىڭ مۇشەسى الماس سىرعاباەۆ.
اسپانبەك اقىن «بايان. مەن. تاۋلار» كىتابىندا قازاقتىڭ قارا ولەڭىنە ءتان كەستەلى ءتىلدى, ويلى تىركەستەردى مولىنان قولدانعان.
كەشتە اسپانبەك اقىن بۇقار جىراۋ قالقامان ۇلىنا, ءماشھۇر ءجۇسىپ كوپەي ۇلىنا, سۇلتانماحمۇت تورايعىر ۇلىنا ارنالعان ولەڭدەرىن, عازالدارىن وقىدى. ال جىر كىتابىنىڭ تۇساۋىن قازاقستاننىڭ ەڭبەك سىڭىرگەن قايراتكەرى داۋلەتكەرەي كاپ ۇلى مەن پاۆلودار وبلىسى مەن باياناۋىل اۋدانىنىڭ قۇرمەتتى ازاماتى, كىتاپ كەيىپكەرلەرىنىڭ ءبىرى – مۇرات راحمەتوۆ كەستى.
«بۇل كىتاپ – اسپانبەكتىڭ ۇنەمى ىزدەنەتىنىنىڭ, تالماي ەڭبەكتەنىپ, ارقاشان وي ارقالاپ جۇرەتىنىنىڭ دالەلى», دەپ اتاپ ءوتتى داۋلەتكەرەي كاپ ۇلى.
پاۆلودار
