و.تۇرلىباەۆتىڭ ايتۋىنشا, وتكەن جىلى 5 قارجى پيراميداسىنىڭ قىزمەتى جويىلىپ, 3 قىلمىستىق ءىس سوتقا جولدانعان. «قارجى پيراميدالارى, ينتەرنەت كەڭىستىگىندەگى جارنامالىق سىلتەمەلەردىڭ بارلىعى «كيبەرباقىلاۋ» اج ارقىلى بۇعاتتالىپ وتىرادى. بۇل جوبانى قارجى مونيتورينگى اگەنتتىگى ازىرلەگەن بولاتىن. بۇگىندە دەپارتامەنت بۇعاتتالعان 1 200-دەن استام سايتتى (قارجى پيراميدالارى, زاڭسىز ويىندارعا قاتىستى سىلتەمەلەر) انىقتادى», دەدى و.تۇرلىباەۆ مالىمدەمەسىندە.
دەپارتامەنت قارجى پيراميدالارىنىڭ قىزمەتىن جويۋمەن قاتار, ساۋدا جانە باسقا دا ەكونوميكالىق سەكتورلارداعى زاڭسىز ارەكەتتەردى ۇنەمى قاتاڭ باقىلاۋدا ۇستايدى. جۇرگىزىلگەن جەدەل ىزدەستىرۋ جۇمىستارى بارىسىندا سايكەستەندىرۋسىز كونترافاكتىلىك تەمەكى جەتكىزۋدىڭ جولى كەسىلگەن. جالپى اكتسيزدىك الىم سوماسى 1,5 ملرد تەڭگەگە دەيىن جەتكەنى اشكەرەلەنگەن جايى بار. قازىر وسى ماسەلە بويىنشا شەتەلدىڭ ەكى ازاماتى تەرگەۋگە تارتىلىپ وتىر. تەرگەۋ ارقىلى انىقتاۋ ناتيجەسىندە 63 مىڭنان استام قوراپ تەمەكى جويىلىپ, 5 مىڭنان استام الكوگول تاركىلەنگەن.
سونىمەن قاتار وسى دەپارتامەنت تاراپىنان الەۋمەتتىك ماڭىزى بار ازىق-ت ۇلىك تاۋارلارىنا باعانى قاداعالاۋ جانە ءونىمسىز دەلدالداردى انىقتاۋ جۇمىستارى جالعاسىپ جاتىر.
اباي وبلىسى
