استانادا قوعامدىق كولىكتە جول ءجۇرۋ اقىسى قىمباتتايدى

قۇجاتقا سايكەس قوعامدىق كولىكتە ءجۇرۋ باعاسى 90 تەڭگەدەن 110 تەڭگەگە قىمباتتاماق.

قالالىق مارشرۋتتا ءجۇرۋ ءۇشىن 90 تەڭگەلىك تاريف كەيىنگى رەت 2014 جىلدىڭ قىركۇيەك ايىندا بەكىتىلگەن ەدى.

ەسكەرەتىنى, استانادا جانە قالا ماڭىندا وقيتىن 18 جاسقا دەيىنگى بالالار ءۇشىن قوعامدىق كولىكتە جول ءجۇرۋ 2020 جىلعى ناۋرىزدان باستاپ تەگىن. تەك وسى ساناتتاعى جولاۋشىلاردا مەكتەپتىڭ كولىك كارتاسى بولۋى كەرەك. ولار كارتانى اۆتوبۋسقا مىنگەندە ۆاليداتسيا جاساۋى مىندەتتى.

«سونداي-اق كەلەسى ساناتتارعا جاتاتىن ازاماتتار دا بۇل جەڭىلدىككە يە:

1) ۇلى وتان سوعىسىنىڭ قاتىسۋشىلارى مەن مۇگەدەكتەرى جانە ولارعا تەڭەستىرىلگەن ادامدار;

2) جاسى جانە ەڭبەك ەتكەن جىلدارى بويىنشا زەينەتكە شىققاندار, سونداي-اق جاسى بويىنشا جانە اسىراۋشىسىنان ايىرىلۋ جاعدايى بويىنشا زەينەتكەرلىك جاسقا تولعان مەملەكەتتىك الەۋمەتتىك جاردەماقى الۋشىلار;

3) كوپبالالى انالار;

4) كوپبالالى وتباسىلار;

5) مۇگەدەكتەر;

6) ون سەگىز جاسقا دەيىنگى مۇگەدەك بالالار, ونىڭ ىشىندە اتا-انالارىنىڭ ءبىرى (زاڭدى وكىلدەرى).

7) «جاپپاي ساياسي قۋعىن-سۇرگىن قۇرباندارىن وڭالتۋ تۋرالى» قازاقستان رەسپۋبليكاسىنىڭ زاڭىندا بەلگىلەنگەن تارتىپپەن اقتالعان 1986 جىلعى 17-18 جەلتوقسانداعى قازاقستانداعى وقيعالارعا قاتىسۋشىلار قاتارىنان ساياسي قۋعىن-سۇرگىن قۇرباندارى», دەلىنگەن قالالىق اكىمدىكتىڭ حابارلاماسىندا.