قوسىمشانىڭ «Umit» اتالۋى دا بەكەر ەمەس ەكەن, سەبەبى بۇل نەگىزگى زاڭنامالىق كوزدەردەن الىنعان قۇرىلىمدىق اقپاراتقا سۇيەنە ازىرلەنگەن الەۋمەتتىك ماڭىزى بار كومەكشى قۇرال بولماق. ونى جاساعان باقىت ەدىلقىزى اباي وبلىسىنىڭ ر.بايسەيىتوۆ اتىنداعى سەمەي ەكونوميكالىق-قارجى كوللەدجىنىڭ 3-كۋرسىندا وقيدى. ونىڭ چات-بوتى ارقىلى الەۋمەتتىك باعدارلامالاردى ىزدەۋگە جانە تاڭداۋعا, سونداي-اق قۇجاتتاردى تولتىرۋ بارىسىندا كومەك پەن تۋىنداعان ماسەلەلەر بويىنشا كەڭەس الۋعا بولادى. بۇعان قوسا قوسىمشا ماڭىزدى كۇندەر مەن مەرزىمدەر تۋرالى ەسكە سالىپ وتىرادى.
اۆتور ءوزىنىڭ قوسىمشا جاساۋداعى ويىن: «وسىنداي وزىق ازىرلەمەلەردىڭ ناتيجەسىندە ءبىزدىڭ وبلىس الەۋمەتتىك قىزمەتتەر كورسەتۋدە الدىڭعى قاتاردا بولعانىن قالايمىز. تسيفرلىق عاسىردىڭ قاجەتتىلىكتەرىنە سايكەس كەلەتىن جاڭا دەڭگەيگە شىعۋعا بولادى. ەڭ باستى ماقسات – مۇنداي قىزمەتتەردى مۇقتاج ادامدارعا شىنىمەن قولجەتىمدى ەتۋ. ءبىز بۇل يگى ىسكە ءوز ۇلەسىمىزدى قوسۋعا دايىنبىز», دەپ تۇسىندىرەدى.
جاسامپاز ستۋدەنت ءبىرىنشى كەزەڭدە نەيروندىق جەلى ءۇشىن وقىتۋ مودەلىن العان. سودان سوڭ الەۋمەتتىك قولداۋ, ەڭبەك جانە سالىق قاتىناستارى ماسەلەلەرىن رەتتەيتىن وسىنداي ىرگەلى زاڭنامالىق كوزدەردەن الىنعان قۇرىلىمدىق اقپارات توپتاستىردى. ەكىنشى كەزەڭدە پايدالانۋشىلارعا ۇسىنىلاتىن اقپاراتتىڭ تولىقتىعى, وزەكتىلىگى مەن پايداسىن بايقاۋ ماقساتىندا بوت شىعارعان شەشىمدەردىڭ دۇرىستىعىن تالداپ, ءارتۇرلى جاعدايداعى مىسالدى جاساندى ينتەللەكت مودەلىندە تەكسەرىپ كورگەن. Umit چات-بوتىن ازىرلەۋ ءۇشىن جاساندى ينتەللەكت تەحنولوگيالارىنا نەگىزدەلگەن ۆيزۋالدى پروتوتيپتەۋ مۇمكىندىگى بار (no-code approach) ارنايى چات-بوت كونسترۋكتورى پايدالانىلدى. بۇل پلاتفورما تابيعي, كادىمگى قولدانىستاعى ءتىلدى ءتيىمدى وڭدەۋگە ارنالعان ماشينالىق ۇيرەتۋدىڭ وزىق الگوريتمدەرىمەن جابدىقتالعان. ستۋدەنتتەر, مۇعالىمدەر مەن جۇمىسشىلار, ءتىپتى باسقا كوللەدجدەر اراسىندا تەستىلەۋ مەن ەكسپەريمەنتتەر جۇرگىزىلدى. بۇل ءىس جۇزىندە بوت ينتەرفەيسىنىڭ تيىمدىلىگىن باعالاۋعا, ونىڭ جاۋاپتارى ماقساتتى اۋديتوريا ءۇشىن قانشالىقتى تۇسىنىكتى جانە پايدالى ەكەنىن تۇسىنۋگە, تەستىلەۋدەگى تيپتىك سۇراقتار مەن ماسەلەلەردى انىقتاۋعا مۇمكىندىك بەردى.
جوبا جەتەكشىسى, جوعارىدا اتالعان كوللەدجدىڭ وقىتۋشىسى ارتۋر يسكاكوۆ بولاشاقتا ەلەكتروندىق ۇكىمەت پورتالدارى, بانكتەر, جۇمىسپەن قامتۋ قىزمەتتەرى جانە ت.ب. سياقتى مەملەكەتتىك جانە كوممەرتسيالىق سەرۆيستەر ارقىلى ينتەگراتسيالاۋ جوسپارلانعانىن جەتكىزدى. ولار قازاقستاننىڭ بارلىق ءوڭىرىن قامتۋ, سودان كەيىن جەرگىلىكتى زاڭنامانىڭ ەرەكشەلىكتەرىن ەسكەرىپ, ەۋرازيالىق ەكونوميكالىق وداققا كىرەتىن ەلدەردىڭ نارىعىنا شىعۋدى كوزدەپ وتىر. سونداي-اق ءىOS/Android پلاتفورماسىنىڭ ارتىقشىلىقتارىن پايدالانا وتىرىپ, كەڭەيتىلگەن فۋنكتسيونالدىعى بار «Umit» ءموبيلدى قوسىمشاسىن ىسكە قوسۋعا دا ەڭبەكتەنىپ جاتىر.
