فوتو: اقوردا ءباسپاسوز قىزمەتى
پرەزيدەنت ءوز جازباسىندا قاتارعا العاشقى مەملەكەتتىك ساپاردىڭ قورىتىندىلارىن جوعارى باعالايتىنىن جازدى.
«قاتار مەملەكەتىنىڭ ءامىرى شەيح ءتاميم بەن حاماد ءال تانيمەن مازمۇندى كەلىسسوز ناتيجەلەرى بويىنشا قازاق-قاتار قارىم-قاتىناستارى ستراتەگيالىق سەرىكتەستىك دەڭگەيىنە كوتەرىلگەنىن ايرىقشا اتاپ وتكىم كەلەدى. ەكى ەل اراسىنداعى ىنتىماقتاستىقتىڭ ەرەكشە سيپاتىن ساپار اياسىندا قول قويىلعان وتە ماڭىزدى قۇجاتتار دالەلدەيدى. قاتار مەملەكەتىمەن ءوزارا ءتيىمدى ىقپالداستىقتى باۋىرلاس حالىقتارىمىزدىڭ يگىلىگى ءۇشىن ارتتىرا بەرەمىز», دەپ جازدى قاسىم-جومارت كەمەل ۇلى.
