جاڭا كورپۋس سپورت, عىلىم جانە ونەر الەمىن ەركىن ارالاتۋعا قاۋقارلى. سەبەبى وندا پلانەتاري, 400 ورىندىق امفيتەاتر, IT جانە STEM زەرتحانالارى, 7 مىڭ كىتاپ قورىنا ارنالعان كىتاپحانا, حورەوگرافيا جانە فيتنەس زالدارى, شاحمات كلۋبى, قىش بۇيىمدارى مەن بەينەلەۋ ونەرى شەبەرحانالارى, كوۆوركينگتەر, ءتىپتى دىبىس جازۋ ستۋدياسى بار. مۇنىڭ ءبارى الدىن الا وقۋشىلاردان الىنعان ساۋالناما نەگىزىندە سالىنعان. ال ءبىلىم نىسانىنىڭ جوباسى فينليانديا, دانيا, اقش ەلدەرىندەگى مەكتەپتەر ساۋلەتىنىڭ حالىقارالىق تاجىريبەسىنە ساي سالىنعان. IQanat وقۋ اۋىلىنداعى العاشقى ءۇي «Freedom House» دەپ اتالدى.
– ەلىمىزدىڭ باستى بايلىعى – ادامدار. ءبىر ادامنىڭ ءوزى كوپ نارسەنى جاساي الادى, ال ءبارىمىز بىرگە ۇلكەن بەلەستى باعىندىرا الامىز. ەلىمىزدىڭ بولاشاعى ءسىز بەن ءبىز قانشالىقتى ءبىلىمدى بولاتىنىمىزعا جانە ەلگە دەگەن سۇيىسپەنشىلىگىمىزدىڭ ناقتى ءىس جۇزىندە كورىنىس بەرۋىنە تىكەلەي بايلانىستى. قازىرگى كەزدە وسىندا وقيتىن بالالار ءبىزدىڭ ەلىمىزدى جاقسى جاققا وزگەرتە الادى. ولاردىڭ كوپشىلىگى بيزنەستە, عىلىمدا, مەملەكەتتىك باسقارۋدا, ونەردە, سپورتتا جەتىستىككە جەتە الاتىنىنا سەنىمدىمىن. ال مۇندا الىنعان ءبىلىم بەلگىلى ءبىر ونەگە-ۇلگىگە اينالىپ قانا قويماي, تەڭسىزدىك ماسەلەسىن شەشۋگە ەلەۋلى ۇلەس قوسادى, – دەدى 2019 جىلدان بەرى «IQanat» جوباسىنىڭ قامقورشىسى تيمۋر تۋرلوۆ.
جاڭا كامپۋستا مەكتەپ وقۋشىلارى دا, IQanat وليمپياداسىنىڭ اقتىق سىنىنا جەتكەن اۋىل بالالارى دا كوكجيەگىن كەڭەيتەدى. مۇندا وليمپيادادان كەيىنگى ءۇش جىلدىق باعدارلامانىڭ قاتىسۋشى 1700 اۋىل وقۋشىسى ۇنەمى مەكتەپكە قارقىندى كۋرستان وتۋگە كەلىپ تۇرادى. مەكتەپ وقۋشىلارىنا دا قوسىمشا ءبىلىم الاتىن, ءوز قابىلەتتەرىن ارى قاراي جەتىلدىرەتىن جەر كەرەك. ەلدە جوق ەرەكشە كورپۋس وسى يگىلىكتەرگە جۇمىس ىستەيدى.
كاسىپكەرلەردىڭ ءبىلىم-عىلىمعا قولداۋ كورسەتىپ, جاعداي جاساۋى – تاماشا ۇدەرىس. بۇل – دامىعان ەلدەردە ەرتەرەكتە جولعا قويىلعان ءۇردىس. جوبانىڭ باستاماشىسى جانە قامقورشىسى ايدىن راحىمباەۆ كاسىپكەرلەر بىلىمگە باعىتتالعان باستامالاردى قولداۋى كەرەك دەگەن ماسەلە كوتەردى. ونىڭ ايتۋىنشا, جاستاردىڭ ەلگە قىزمەت ەتۋ دەگەن ويىن گۇلدەتىپ, ۇنەمى سۋارىپ وتىرۋىمىز كەرەك. پايداسى وراسان وسىنداي جوبالار جاساساق, كەلەشەك ۇرپاقتىڭ تاعدىرى, تابىسى مەن ءبىلىم دەڭگەيى دە مۇلدە باسقا بولادى. قامقورلىق كورىپ وسكەن بالا ءوز اۋىلىنىڭ دامۋىنا دا اسەر ەتەدى, قارجىلاي كومەك كورسەتەدى. جالپى, مۇنىڭ ءبارى جاقسىلىقتىڭ جاعاسىندا مۋلتيپليكاتيۆتى ناتيجە كورسەتەدى.
– كاسىپكەرلەردىڭ ۇزاقمەرزىمدى جانە اۋقىمدى يگىلىكتەردى باستاۋعا دەگەن شىنايى نيەتى بولسا, ءبىلىم بەرۋگە ينۆەستيتسيا سالۋ كەرەك. بارلىق نيەت تانىتۋشىلار ءبىزدىڭ باستاماعا قوسىلا الادى. وسىلايشا, ءبىز ۇلتتىڭ دامۋىنا ەڭ ۇلكەن ۇلەس قوسامىز. IQanat – وتاندىق كاسىپكەرلەر جوباسى. ىزگى قوعامداستىعىمىزعا اتسالىسۋشىلار سانى بۇگىننىڭ وزىندە 150-دەن اسادى. بۇل دەگەنىڭىز, بالىق ەمەس, قارماق بەرەمىز. ماسەلەن, IQanat مەكتەبىن مىسال ەتسەك. ءبىز قولدايتىن بالالار وزدەرى ەر جەتكەندە ەلگە قىزمەت ەتۋگە, مۇقتاج ادامدارعا, وتباسىلارعا قولۇشىن سوزۋعا اسىعاتىنى انىق, – دەيدى ا.راحىمباەۆ.
ايتا كەتەيىك, بيىل جوبا ءۇشىن ەرەكشە جىل بولماق. «IQanat – مىڭ بالا» رەتىندە اتالىپ, قور باعدارلامالارىمەن بالالاردىڭ رەكوردتىق سانى قامتىلماق. اۋىل بالالارىنىڭ ءورىسىن كەڭەيتىپ وتىرعان «IQanat» مەكتەبىنىڭ قاناتى تالماسا, ءالى تالاي بەلەستەردى باعىندىرىپ, بيىك ۇشارى انىق.
