بىشكەكتە «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمى پەداگوگيكالىق شەبەرلىك ورتالىعىنىڭ مۇعالىمدەردى كاسىبي دامىتۋ بويىنشا حالىقارالىق جوباسىن وتكىزدى. اۋقىمدى ىنتىماقتاستىقتىڭ باستى قورىتىندىسى قىرعىزستاندا وتاندىق ورتالىقتىڭ بولىمشەسىن اشۋ تۋرالى ۇسىنىسى بولدى. ەلىمىزدەن بارعان شەبەرلىك ورتالىعىنىڭ پارتاسىنا جالال-اباد, شۋ, تالاس, وش, باتكەن, ىستىقكول وبلىستارىنان جانە ەل استاناسىنان كەلگەن ۇستازدار وتىردى. «ساپات» حالىقارالىق جەلىسىنىڭ, شىڭعىس ايتماتوۆ اتىنداعى جانە «ايچۇروك» ليتسەيلەرى, «United World» جانە باسقا دا تانىمال مەكتەپتەردىڭ وكىلدەرى جاڭا ءبىلىمدى مەڭگەردى.
قىرعىزستانداعى مۇعالىمدەرگە ارنالعان ساباق كەستەسىندە بۇگىنگى تاڭداعى زاماناۋي ءبىلىم بەرۋدەگى وزەكتى تاقىرىپتار ەنگىزىلگەن. ولاردىڭ كوپشىلىگى پەداگوگيكالىق تاجىريبەدە سۇرانىسقا يە زەرتتەۋ تاقىرىبى – «Lesson Study جانە Action Research».
– قىرعىز مۇعالىمدەرىنىڭ ۇلكەن توبى ءۇشىن وسى جىل جاڭا بىلىممەن جانە جاڭا دوستارمەن باستالدى, ءبىز ءوزىمىز ءۇشىن «Lesson Study جانە Action Research» ءادىسىن جاڭادان اشتىق. ونى ەندى قىرعىزستاندا مىندەتتى تۇردە جۇزەگە اسىرامىز, – دەيدى «ساپات» حالىقارالىق ءبىلىم بەرۋ جەلىسىنىڭ ۆيتسە-پرەزيدەنتى راينا اساكەەۆا.
پەداگوگيكالىق شەبەرلىك ورتالىعىنىڭ حالىقارالىق جوباسى مۇعالىمنىڭ زەرتتەۋ قىزمەتىن كەمەلدەندىرۋگە باعىتتالعان. ءىس-شاراعا «WALS» پرەزيدەنتى جانە قۇرمەتتى باس حاتشىسى كەترين ليۋيس پەن پيتەر دادلي اقش پەن ۇلىبريتانيادان ونلاين قوسىلدى. پوستەر سەسسياسى تابىستى وقۋ جانە پەرسپەكتيۆالار تۋرالى شىعارماشىلىق ەسەپ ىسپەتتى بولدى.
– ءبىزدىڭ سەنىمدى دوسىمىز سانالاتىن پەداگوگيكالىق شەبەرلىك ورتالىعىنىڭ ارقاسىندا پوستكەڭەستىك كەڭىستىكتە العاش رەت «WALS» كونفەرەنتسياسى وتەتىنى – ءبىز ءۇشىن ۇلكەن ماقتانىش, – دەپ مويىندادى قىرعىزستانداعى «اقىلمان» پرەزيدەنتتىك ليتسەيىنىڭ ديرەكتورى ەميل رىسقۇلوۆ.
ورتالىق تاريحىندا العاش رەت مۇعالىمدەرگە ارنالعان ساباقتار اعىلشىن, قازاق, قىرعىز, ورىس تىلدەرىندە ءوتتى. وقۋدىڭ العاشقى كۇنىنەن باستاپ تاجىريبەلى تالىمگەرلەر راۋشان ابىشەۆا, ەلۆيرا راحمايل, قىزجىبەك ابدرامانوۆا قىرعىز ارىپتەستەرىنىڭ كاسىبي شىڭدالۋىنا جوعارى تالاپتار قويدى. ء«ار توپتا ولار «WALS» قاۋىمداستىعىنىڭ ستراتەگيالىق باسىمدىقتارى مەن 2024 جىلدىڭ قىركۇيەگىندە استانادا وتەتىن حالىقارالىق كونفەرەنتسيانىڭ ءوتۋ بارىسىمەن تانىستىردى», دەپ اتاپ ءوتتى پەداگوگيكالىق شەبەرلىك ورتالىعىنىڭ جوبا جەتەكشىسى ارداق زاكاريانوۆا. حالىقارالىق جوبانىڭ نەگىزگى ناتيجەلەرى قىرعىز مۇعالىمدەرىنىڭ جاھاندىق تەندەنتسيالار, الەمدىك ءبىلىم بەرۋدىڭ قۇرالدارى مەن تاجىريبەسىن زەرتتەۋگە دەگەن ۇلكەن سۇرانىسىن راستادى.
– بۇگىندە قىرعىزستاندىق پەداگوگتەر عىلىمي-زەرتتەۋ قىزمەتىن كەڭەيتۋگە جانە كاسىبي بىلىكتىلىگىن جۇيەلى ارتتىرۋعا باعىتتالعان اۋقىمدى وقىتۋدى جالعاستىرۋعا مۇددەلى, – دەپ اتاپ ءوتتى پەداگوگيكالىق شەبەرلىك ورتالىعىنىڭ ديرەكتورى جانبوتا كابدىكاريموۆا.
پەداگوگيكالىق شەبەرلىك ورتالىعى قىرعىزستاندىق ارىپتەستەرمەن بىرنەشە جىلدان بەرى تابىستى جۇمىس ىستەپ كەلەدى. استاناعا وقۋعا ءبىرىنشى بولىپ «بىلىمكانا» حالىقارالىق جۇيەسىنىڭ ەڭ بەدەلدى مۇعالىمدەرى كەلدى. وتكەن جىلدىڭ جەلتوقسان ايىندا قىرعىزستاننىڭ ۇلكەن دەلەگاتسياسى نازارباەۆ زياتكەرلىك مەكتەپتەرىنىڭ جۇيەسىمەن ەگجەي-تەگجەي تانىسۋ جانە ءبىرىنشى حالىقارالىق ء«بىلىم بەرۋدەگى كوشباسشى باعدارى» باسقارۋ ينتەنسيۆىنە قاتىسۋعا قازاقستانعا ارنايى ۇشىپ كەلگەن ەدى. ولاردىڭ قاتارىندا اتاقتى «ساپات», «كرەاتيۆ – تااليم», «Global school» مەكتەپتەرىنىڭ, «ايچۇروك» ايەلدەر ليتسەيىنىڭ, سونداي-اق سالىمبەكوۆ ۋنيۆەرسيتەتىنىڭ وكىلدەرى بار. ەكى ەل بىرلىگى ارقاسىندا ءبىلىم سالاسىنا ۇلكەن سەرپىلىس قوسقالى وتىر.
