فوتو: fotoxcom.ru
قايعىلى وقيعا 6 اقپان كۇنى بولعان. 8-سىنىپ وقۋشىسىنىڭ مەكتەپتە جاعدايى ناشارلاپ, ەسىنەن تانىپ قالعان. الدىن-الا اقپاراتقا سايكەس, ول ۇيىندە اجەسىنىڭ جۇرەك اۋرۋىنا قارسى ءدارىسىن كوپ مولشەردە ءىشىپ قويعان. كەيىن ادەتتەگىدەي ساباققا كەلگەن.
مەكتەپ ديرەكتورىنىڭ ايتۋىنشا, ەكىنشى ساباقتىڭ ۋاقىتىندا ءوزىن جايسىز سەزىنىپ, ەسىنەن تانىپ قالعان.
ء«بىز جەدەل جاردەم شاقىرىپ, قىزدىڭ اناسىن دا شاقىردىق. كەيىن قىزدىڭ كوپ مولشەردە ءدارى ىشكەنى انىقتالدى», دەيدى ديرەكتور.
ءوزىن جايسىز سەزىنگەن وقۋشىعا مەكتەپ مەدبيكەسى العاشقى كومەك كورسەتكەن. ال, جەدەل جاردەم قىزمەتكەرلەرى اسقازانىن شايعان. دارىگەرلەردىڭ ايتۋىنشا قىز بالانىڭ جۇرەگى اۋرۋحاناعا جەتكەنشە 2 رەت توقتاعان. اۋىر حالدە جەتكىزىلگەن ناۋقاستى امان الىپ قالۋ مۇمكىن بولماپتى.
«قىز اۋىر جاعدايدا كەلدى. ونى ءبىز بىردەن جانساقتاۋ بولىمىنە كىرگىزدىك. ول جەردە تاعى 3-ءشى رەت جۇرەگى توقتادى. ونى دا قايتا جۇرگىزدىك. سونىمەن ساعات 10:46 وتە اۋىر جاعدايدا كەلىپ تۇسكەن ناۋقاس ساعات 12:20-دا اتقارىلعان ينتەنسيۆتى شارالارعا قاراماستان قايتىس بولدى», دەدى دارىگەر.
اتالعان جايتقا قاتىستى «سۋيتسيدكە دەيىن جەتكىزۋ» بابىمەن قىلمىستىق ءىس قوزعالدى. قازىرگى ۋاقىتتا ءتيىستى ساراپتامالار تاعايىندالعان.
