وبلىستىق دەنساۋلىق ساقتاۋ باسقارماسىنىڭ باسشىسى قايسار ابداليەۆتىڭ ايتۋىنشا, زاماناۋي قۇرىلعىنى ساتىپ الۋعا «قازاقستان حالقىنا» قورى دەمەۋشىلىك كورسەتتى. وسىلايشا, اۋرۋحانانىڭ نەيروحيرۋرگيا بولىمشەسى جاڭا مەديتسينالىق قۇرالدارمەن تولىقتى. ونىڭ ىشىندە وپەراتسياعا ارنالعان ۇستەل, نەيروناۆيگاتسيا قۇرىلعىسى مەن نەيرومونيتور, وپەراتسيا كەزىندە قولدانىلاتىن قوسالقى بولشەكتەرى بار.
بالالار اۋرۋحاناسى ديرەكتورىنىڭ ەمدەۋ ءىسى جونىندەگى ورىنباسارى ەربول ەسبولاەۆتىڭ ايتۋىنشا, اتالعان قۇرىلعىلاردىڭ, ونىڭ ىشىندە وپەراتسيا ۇستەلىنىڭ ماڭىزى زور. ويتكەنى ەندى كۇردەلى وپەراتسيالاردى جەرگىلىكتى جەردە جاساۋعا بولادى.
ء«بىز باس سۇيەگىندە, مي مەن ج ۇلىندا ءتۋابىتتى نەمەسە كەيىن پايدا بولاتىن ىسىك, وزگە دە جاراقاتتاردى تولىق ەمدەۋگە مۇمكىندىك الىپ وتىرمىز. نەيرومونيتوردىڭ وپەراتسيا كەزىندە بەلگىلى ءبىر پاتولوگيانىڭ ەنۋ جولىن ءدال تابۋعا سەپتىگى مول. بۇل – ميداعى پاتولوگيالاردى تەز انىقتاۋعا مۇمكىندىك بەرەتىن يننوۆاتسيالىق قۇرىلعى», دەيدى ە.ەسبولاەۆ.
ونىڭ ايتۋىنا قاراعاندا, اۋرۋحانا دارىگەرلەرى جاڭا قۇرىلعىمەن العاشقى وپەراتسيانى ءساتتى جاسادى. وپەراتسيا ۇستەلىنە جەلكەسىندە ىسىگى بار ەكى جاسار بالا جاتقىزىلعان. جاڭا قۇرىلعىنىڭ كومەگىمەن بالاقايدىڭ جەلكەسىندەگى ىسىك الىنىپ تاستالدى.
اتىراۋ وبلىسى
