توتەنشە وقيعا كوكشەتاۋ-اتباسار تاسجولىندا, ماكسيموۆكا اۋىلىنىڭ ماڭىندا ورىن الدى.
جول اپاتى سالدارىنان ءبىر ادام قازا تاۋىپ, 15 جولاۋشى اۋرۋحاناعا جەتكىزىلگەن. ونىڭ سەگىزى - بالالار.
دارىگەرلەردىڭ سوزىنە قاراعاندا, قازىر ولاردىڭ جاعدايى بىرقالىپتى. ءتورت ادام وبلىس ورتالىعىنداعى اۋرۋحاناعا اۋىستىرىلعان. التى وقۋشى اۋداندىق ەمدەۋ مەكەمەسىندە ەم الىپ جاتىر. مەكتەپ وقۋشىلارى كوكشەتاۋ قالاسىندا وتكەن كوڭىلدى تاپقىرلار ويىنىنان قايتىپ كەلە جاتقان.
پوليتسيانىڭ مالىمەتىنشە, شاعىن اۆتوبۋستىڭ 62 جاستاعى جۇرگىزۋشىسى الدا كەلە جاتقان قار تازالاۋ تەحنيكاسىن باسىپ وزامىن دەپ قارسى بەتكە شىعىپ كەتكەن. رولگە يە بولا الماي, جەڭىل كولىككە سوقتىعىسقان. جەڭىل كولىكتىڭ جۇرگىزۋشىسى وقيعا ورنىندا قازا تاپتى.
- جول-كولىك وقيعاسى كوكشەتاۋ-اتباسار تاسجولىندا, ماكسيموۆكا ەلدى مەكەنىنىڭ ماڭىندا بولدى. اتالعان فاكتى بويىنشا تەرگەپ-تەكسەرۋ باستالدى. ساراپتاما تاعايىندالدى, – دەدى اقمولا وبلىستىق پوليتسيا دەپارتامەنتىنىڭ وكىلى ءاليا بيليالوۆا.
