«جۇلدىزدى جاڭبىر» دەپ اتالاتىن تسيرك ستۋدياسى جوعارىدا اتالعان مەكتەپ ديرەكتورى تولىباي راحيمجانوۆتىڭ باستاماسىمەن 2019 جىلى ۇيىمداستىرىلدى. الەنا ليتوۆچەنكو ءوزى جەتەكشىلىك ەتەتىن ستۋديادا جاس ەرەكشەلىگى جاعىنان ءارتۇرلى وقۋشىلار شىعارماشىلىعىن دامىتىپ جۇرگەنىن جەتكىزدى.
«ستۋديادا 7 جاستان 16 جاسقا دەيىنگى 20 قىز ونەرىن شىڭداپ كەلەدى. مەكتەپ گيمناستارى وسى كۇنگە دەيىن تسيرك ستۋدياسىندا جيناعان تاجىريبەسى مەن ۇيرەنگەن شىعارماشىلىق داعدىسىن قويىلىمدار قويۋدا كورسەتە ءبىلىپ, كورەرمەندەرىن قۋانتىپ ءجۇر. قازىر الداعى جازدا وتەتىن حالىقارالىق فەستيۆالعا دايىندىق ءجۇرىپ جاتىر جانە «حالىق ۇجىمى» اتاعىن قورعاۋ شارتىمەن 8 ءنومىر, سونىڭ ىشىندە جەكە نومىرلەر دە دايىنداپ جاتىرمىز», دەدى ۇجىم باسشىسى ا.ليتوۆچەنكو.
شىعارماشىلىقتىڭ شىڭىنا شىعۋدى قالايتىن ۇجىمنىڭ از ۋاقىتتاعى جەتىستىگى دە جامان ەمەس ەكەن. وسى وقۋ وشاعىنىڭ باسشىسى ت.راحيمجانوۆ ونەرلى وقۋشىلارىنىڭ جەتىستىكتەرى جونىندە: ء«بىزدىڭ وقۋشىلار ءتۇرلى بايقاۋدىڭ جۇلدەسىن يەلەندى. ايتالىق, «Vivat Astana-2021» رەسپۋبليكالىق بالالار جانە جاستار شىعارماشىلىعى كونكۋرسىنىڭ 1-ورنى مەن گران-پري جۇلدەسىن ولجالادى. تسيرك ستۋدياسىنىڭ تاعى ءبىر جەتىستىگى, استانا قالاسىنداعى حالىقارالىق XX International EUROPEAN CONTEST-FESTIVAL «GERMANY–KAZAKHSTAN» فەستيۆالىنە قاتىسىپ, گران-پري جەڭىپ الدى», دەدى.
ستۋديادا شەبەرلىگىن شىڭداپ جۇرگەن 10-سىنىپ وقۋشىسى الينا ەزوۆا: «تسيرك ستۋدياسىنا 2021 جىلى كەلدىم, وسى باعىت مەنى قاتتى قىزىقتىرادى, بۇل – مەنىڭ قازىرگى ءحوببيىم. ءبىز كۇن سايىن جاڭا نارسە ۇيرەنەمىز. جاتتىعۋلار وتە قىزىقتى وتەدى», دەسە, الينانىڭ ءسوزىن قوستاعان 10-سىنىپ وقۋشىسى اننا سكورنياكوۆا تسيرك ستۋدياسىنا قاتىسقانىنا ءبىر جىلدان اسقانىن, قىزىعىپ كەلەتىنىن, بولاشاقتا دا سول باعىتتى تاڭدايتىنىنا سەنىمدى ەكەنىن ايتتى.
