قازاق اندەرىنە كوۆەر جاساپ جۇرگەن كارىس ءانشىسى سون ۆون ساب ءشامشى قالداياقوۆتىڭ «انا تۋرالى جىرىن» ورىنداپ, تىڭدارماندارىنىڭ ەرەكشە ىقىلاسىنا يە بولدى.
ول ارانجيروۆكانى الەۋمەتتىك جەلىلەرىنە جاريالاپ, وقىرماندارىنان قالاي شىققانىن سۇرادى.
- مۋزىكالىق ارانجيروۆكا ۇناي ما؟ مەن الەمدەگى بارلىق انانى جاقسى كورەمىن, - دەدى سون ۆون ساب.
ءانشى وقىرماندارىن ساۋىردە الماتىدا وتەتىن كونتسەرتىندە وسى ءاندى بىرگە شىرقاۋعا شاقىردى.
ال جەلى قولدانۋشىلارى انشىگە قازاق تىلىنە كورسەتكەن قۇرمەتىنە العىسىن جاۋدىرىپ, پىكىر جازدى.
«بەرىلىپ ايتىپ تۇرعان جۇرەگىڭنەن اينالايىن. قازاق تىلىنە دەگەن قۇرمەتىڭە راقمەت. بيىكتەردەن كورىنە بەر». ء«اندى كەرەمەت ورىندادىڭ. ناعىز تالانتسىڭ». «ەڭ تاماشا اندەردىڭ ءبىرى. بۇل ءاندى بىلمەيتىن قازاق جوق شىعار. جاراسىڭ, كارىس بالا», «باسقا ۇلت بولسا دا مايىن تامىزىپ, ىرعاعىن كەلتىرىپ ايتادى» - دەپ قازاقستاندىقتار پىكىر جازدى.
كەيبىرى قازاق ءتىلىن بىلمەيتىندەرگە سون ۆون سابتان ۇلگى الۋ كەرەگىن دە جازدى.
