فوتو: newizv.ru
بۇل رەتتە ەكسپورت 40,8%-عا, يمپورت 37,5%-عا ءوستى.
ول ەاەو-نىڭ باسىم مىندەتتەرىنە سالالىق كووپەراتسيانى نىعايتۋ, جاڭا ىسكەرلىك بايلانىستار قۇرۋ, تسيفرلىق قىزمەتتەردىڭ ترانسشەكارالىق ساۋداسىن جولعا قويۋ جانە دەرەكتەر الماسۋدى قامتۋ كەرەك ەكەنىن اتاپ ءوتتى.
«ەاەو-نىڭ بىرىڭعاي تسيفرلىق كەڭىستىگىن دامىتۋ ءۇشىن ينستيتۋتسيونالدىق ورتا قازىردىڭ وزىندە بار. ءبىزدىڭ ويىمىزشا, مۇشە مەملەكەتتەر اراسىنداعى اقپارات الماسۋدىڭ ورتاق پروتسەستەرىنىڭ دۇرىس جۇمىس ىستەۋىن قامتاماسىز ەتۋ, سونداي-اق ينتەگراتسيالانعان اقپاراتتىق جۇيەنى كەزەڭ-كەزەڭمەن كوشىرۋگە نازار اۋدارۋىمىز كەرەك..ەاەو تسيفرلىق پلاتفورماداعى ءوزارا ءىس-قيمىلدىڭ نەعۇرلىم زاماناۋي جانە ءتيىمدى ۇلگىسىنە ءوتۋ بولەك قاراستىرۋدى جانە ەگجەي-تەگجەيلى زەرتتەۋدى قاجەت ەتەدى», دەدى نيكول پاشينيان.
ارمەنيا پرەمەر-ءمينيسترى اقپاراتپەن ۋاقتىلى جانە ءۇزىلىسسىز الماسۋ ەاەو اياسىندا تاۋارلار مەن قىزمەتتەردىڭ قوزعالىسى كەزىندە تۋىندايتىن ماسەلەلەردى شەشۋگە جانە ەڭ از دەگەندە, ىشكى نارىقتاعى اكىمشىلىك كەدەرگىلەر مەن شەكتەۋلەردىڭ باسىم بولىگىن ازايتۋعا مۇمكىندىك بەرەتىنىن اتاپ ءوتتى.
ونىڭ ايتۋىنشا, گاز, مۇناي جانە مۇناي ونىمدەرىنىڭ ورتاق نارىقتارىنىڭ جۇمىس ىستەۋىن باستاۋ جوسپارلانسا دا, بۇگىنگى كۇنى مۇشە مەملەكەتتەردىڭ ەنەرگەتيكالىق رەسۋرستاردىڭ ورتاق نارىعىن قۇرۋ جانە دامىتۋ پەرسپەكتيۆالارىنا بىرىڭعاي كوزقاراسى جوق.
«ەاەو-عا مۇشە مەملەكەتتەردىڭ بارلىعى ءۇشىن ورتاق ەنەرگەتيكالىق نارىقتى قۇرۋ ەكونوميكالاردىڭ تۇراقتى دامۋىنا, حالىقتىڭ ءال-اۋقاتىن ارتتىرۋعا ىقپال ەتەتىن بىرقاتار نەگىزگى ارتىقشىلىقتاردى بەرەتىنىنە سەنىمدىمىن. وسىنى ەسكەرە وتىرىپ, ءبىزدىڭ ديالوگىمىز ىمىراعا كەلۋ كەلىسىمدەرىن تابۋعا باعىتتالۋى كەرەك دەپ سانايمىز», دەپ تۇيىندەدى ءسوزىن نيكول پاشينيان.
