فوتو: turkystan.kz
«2024 جىلى ۇلتتىق قوردان وسى ماقساتقا بولىنگەن قاراجاتتىڭ جالپى سوماسى – 695 ميلليون دوللار. بۇل قاراجاتتى ەلىمىزدەگى 6 ميلليون 919 مىڭ 131 بالاعا بولگەندە 100 دوللار 50 تسەنتتەن كەلەدى ەكەن. ال ۇلتتىق قور قاراجاتى كوبەيگەن سايىن بالالارعا ارنالعان قارجى كولەمى دە ۇلعايا تۇسەدى. بۇگىن ارنايى اشىلعان ەسەپشوتتارعا العاشقى تولەم ءتۇستى. بۇل اتا-انالاردىڭ ەرتەڭگى كۇنگە دەگەن سەنىمىن ارتتىرادى.
سەنات توراعاسى ماۋلەن اشىمباەۆ بۇگىن جۋرناليستەرگە بەرگەن سۇحباتىندا ۇلتتىق قوردان بالالارعا ءتۇسىپ جاتقان تولەم كولەمى بويىنشا بىرقاتار تۇسىنىكتەمە بەرىپ, ۇلتتىق قور قاراجاتىن كوبەيتۋگە جانە ۇنەمدەۋگە مۇددەلى بولعاندا بالالارعا باعىتتالعان ينۆەستيتسيالىق تابىس كولەمى دە ارتا تۇسەتىنىن ايتتى.
مەملەكەت باسشىسى بۇعان دەيىن الداعى ۋاقىتتا ىشكى جالپى ءونىم كولەمىن 2 ەسە ارتتىرۋ تۋرالى ايتقان ەدى. ەل ومىرىندەگى ناقتى وزگەرىستەر وسىلايشا وڭ ناتيجە بەرە باستايتىنى انىق», دەدى سەناتور.
