اتىراۋ قالاسىندا وتكەن سالتاناتتى راسىمگە قورعانىس مينيسترلىگىنىڭ, قالالىق اكىمدىكتىڭ, قورعانىس ىستەرى جونىندەگى دەپارتامەنتتىڭ وكىلدەرى جانە «سارمات» مامانداندىرىلعان مەكتەپ-ليتسەي-ينتەرناتىنىڭ وقۋشىلارى قاتىستى.
1942 جىلى حابار-وشارسىز كەتكەن قيسىم اديەۆتىڭ سۇيەگىن «فەنيكس» جاساعىنىڭ ىزدەۋشىلەرى سمولەنسك وبلىسىنىڭ تەمنين اۋدانىنا قاراستى باتيۋشكوۆو اۋىلى ماڭىنان تاپقان. «1911 جىلى تۋعان قيسىم اديەۆتى مەدالونى ارقىلى انىقتاۋعا مۇمكىندىك تۋىپتى. ەڭ قۋانىشتىسى, ونىڭ تۋىستارى دا تەز تابىلا كەتتى. ءبىز قازا تاپقان جاۋىنگەردىڭ ۇلى سەمباي قيسىموۆقا اكەسىنىڭ «شاگنۋۆشي ۆ بەسسمەرتيە» مەدالىن قوسا تابىستادىق», دەپ اتاپ ءوتتى «اtamnyn اmanaty» قوعامدىق بىرلەستىگى ءباسپاسوز قىزمەتىنىڭ باسشىسى ابۋباكىر سمايىلوۆ.
قيسىم اديەۆ 80 جىلعا جۋىق ۋاقىت حابار-وشارسىز كەتكەندەر تىزىمىندە بولعان. ول مايدانعا اتتانعاندا ارتىندا ايەلى مەن ۇلى سەمباي قالىپتى.
– اكەم سوعىسقا كەتكەندە مەن ەكى جاستا عانا بولىپپىن. ول كىسى سودان قايتا ورالمادى. بىزگە وسى قۋانىشتى سىيلاعان ىزدەۋشىلەر مەن «Atamnyn اmanaty» قوعامدىق بىرلەستىگىنە العىسىم شەكسىز, – دەدى سەمباي قيسىموۆ.
جاۋىنگەرلىك داستۇرگە سايكەس مارقۇمنىڭ سۇيەگى مەن دۋلىعاسى, مەدالون سەكىلدى جەكە زاتتارى تۋىستارىنا تابىس ەتىلدى. ەندى سارباز تۋعان جەرىندە اسكەري قۇرمەتپەن قايتا جەرلەنەدى.
