فوتو: kaz.inform.kz
ونوماستيكا ەجەلگى گرەك تىلىنەن اۋدارعاندا «ات قويۋ ونەرى» دەگەندى بىلدىرەدى. بۇل ءونىم قولدانۋشىلارعا ادام ەسىمىنىڭ, گەوگرافيالىق نىسانداردىڭ, جانۋارلار مەن قۇس اتاۋلارىنىڭ ماعىناسى مەن شىعۋ تەگىن قازاق تىلىندە ۇسىنادى.
تسيفرلىق ءونىمنىڭ باستى ەرەكشەلىگى – 800-دەن استام جەكە اتاۋدى بىرىكتىرۋىندە. ولار 100-گە جۋىق سەمانتيكالىق بەلگىلەر بويىنشا توپتاستىرىلعان. قوسىمشادا جاڭا تۋعان نارەستە ەسىمىن تاڭداۋ جانە ءوز ەسىمىنىڭ ماعىناسىن ءبىلۋ مۇمكىندىگى بار. قۋانتارلىعى, پايدالانۋشىلار قوسىمشادا جوق ەسىمدەردى ماعىناسىمەن بىرگە وزدەرى ەنگىزە الادى. اتالعان باعدارلامانىڭ باستى ماقساتى – قازاق تىلىندەگى ءىت رەسۋرستاردى كەڭەيتۋ.
– پرەزيدەنتىمىز قاسىم-جومارت توقاەۆ مەملەكەتتىك تىلدە تسيفرلىق ونىمدەردى ارتتىرۋدىڭ ماڭىزدىلىعىن اتاپ ءوتتى. ءبىز كوپشىلىككە ىڭعايلى «قىزىقتى ونوماستيكا» ءموبيلدى قوسىمشاسىن ىسكە قوستىق. 1,5 جىل بويى تاباندى ەڭبەك ەتتىك. سونىڭ ناتيجەسىندە كوپتەگەن زەرتتەۋ جۇرگىزىلدى. بۇل جوبامىز ەسىمدەردىڭ شىعۋ تەگى مەن ەتيمولوگياسىن بىلۋگە مۇمكىندىك بەرەدى. ەگەر ەسىمىڭىز بىرنەشە سوزدەن تۇرسا, ولاردىڭ ارقايسىسىنىڭ جەكە ماعىناسىن تابا الاسىز. سونداي-اق تسيفرلىق پلاتفورمادا پايدالانۋشىلارعا ىڭعايلى بولۋى ءۇشىن الفاۆيت بويىنشا سۇرىپتاۋ دا بار. ىزدەۋ تاريحى ساقتالادى ءارى تاڭداعان ەسىمدەردى بولەك ساقتاۋعا بولادى, – دەدى جوبا جەتەكشىسى, ۋنيۆەرسيتەتتىڭ تسيفرلىق دامۋ جانە قاشىقتان وقىتۋ دەپارتامەنتىنىڭ ديرەكتورى گۇلميرا بەكمانوۆا.
تسيفرلىق پلاتفورمادا ىڭعايلى باعىت-باعدار مەن جىلدام ىزدەۋ جۇيەسى بار. ءموبيلدى قوسىمشا قازىر Android پلاتفورماسىندا قولجەتىمدى. وتاندىق عالىمداردىڭ قازاق ءتىلىنىڭ اياسىن كەڭەيتىپ جاتقانى كوڭىل قۋانتادى.
ەركەناز قورداباي,
ل.ن.گۋميلەۆ اتىنداعى ەۇۋ ستۋدەنتى
