فوتو: qaz-media.kz
تەلەگرام ارناعا ساناۋلى ساعاتتا جۇزدەگەن جازىلۋشى تىركەلىپ ۇلگەرگەن. بۇل جايتتان پوليتسيا مەن وبلىستىق ءبىلىم ءبولىمى حاباردار. ولار جەدەل شارالار قابىلدانىپ جاتقانىن مالىمدەدى.
«قاۋىپسىزدىك ورگاندارى تولىق حاباردار, بۇگىننەن باستاپ 3 كۇن قاتارىنان ءبىلىم وبەكتىلەرىنىڭ بارلىعىندا كۇشەيتىلگەن باقىلاۋ ۇيىمداستىرىلادى», دەدى اقتوبە وبلىستىق ءبىلىم باسقارماسىنىڭ باسشىسى جايىق سۇلتان.
الەۋمەتتىك جەلىدەگى ارنانى جۇرگىزۋشى ءبىرىنشى نىسانعا قالاداعى №21 جانە №27 مەكتەپتەر الىنعانىن حابارلاپ, فوتوسىن دا جاريالادى.
«الەۋمەتتىك جەلىلەردە بەلگىسىز تۇلعالار اقتوبە مەكتەپتەرىندە قىلمىس جاساۋعا دايىندالىپ جاتقانى تۋرالى اقپارات تارالىپ جاتىر. وسى فاكتى بويىنشا پوليتسيا دەپارتامەنتى تەرروريزم اكتىسى تۋرالى كورىنەۋ جالعان حابارلاعانى ءۇشىن سوتقا دەيىنگى تەرگەپ-تەكسەرۋدى باستادى. وسى اقپاراتتى تاراتقان تۇلعالار انىقتالىپ, ەلدىڭ زاڭناماسىنا سايكەس جاۋاپكەرشىلىككە تارتىلادى. وقۋ ورىندارىنىڭ قاۋىپسىزدىگىن قامتاماسىز ەتۋ, ونىڭ ىشىندە بەينەباقىلاۋ ارقىلى جانە ولارعا جاقىن جەرلەردە پوليتسيا جاساقتارىن كوبەيتۋ ارقىلى كۇشەيتۋگە ەرەكشە نازار اۋدارىلدى. ازاماتتاردان ارانداتۋشىلىققا بەرىلمەۋدى سۇرايمىز», دەدى اقتوبە قالالىق پوليتسيا باسقارماسىنىڭ باسشىسى اسەت قاليەۆ.
