ءۇمىت ۇزىلگەن جوق

ەلوردالىق كوماندا پلەي-وفف ساتىسىنا شىعۋ مۇمكىندىگىن ءالى دە جوعالتا قويعان جوق. سوندىقتان بارىستىقتار ءاربىر ويىندا جەڭىسكە جەتۋگە بار كۇشىن سالاتىنى انىق.

«بارىستىڭ» باس باپكەرى ولەگ بولياكين ەلوردادا وتكەن كەزدەسۋدە قاقپانى قور­عاۋعا جەرلەسىمىز نيكيتا بوياركيندى شىعاردى. ول ءبىراز ۋاقىت بويى «نوماد» كومانداسى ساپىندا ونەر كورسەتكەن ەدى.

كەزدەسۋ بارىسىندا رەسەيلىك كلۋب ساپىنان ستەپان حريپۋنوۆ 15-مينۋتتا كوزگە ءتۇستى. ودان كەيىن كوماندالاردىڭ ەسەپتى وزگەرتۋگە بىر­نەشە مۇمكىندىگى بولعان. دەسە دە ءبىرىنشى كەزەڭدە تابلوداعى ەسەپكە وزگەرىس ەنە قويعان جوق.

ويىننىڭ 50-مينۋتىندا ەلوردالىق كلۋبتان پورتۋس وبەرگ تارازى باسىن تەڭەستىرسە, ودان كەيىن رەسەيلىك كوماندادان كيورتيس ۆالك – 52, اناتولي گولىشەۆ 56-مينۋتتا قاقپانى ءدال كوزدەپ, باسىمدىقتى ارتتىردى. ال 57-مينۋتتا «بارىس» ساپىنان كريستيان حەنكەل مەرگەندىك تانىتتى, ەسەپ – 2:3.

ەندى «بارىس» الداعى ەكى ويىنىن سىرت الاڭدا وتكىزەدى. الدىمەن 24 قاڭتاردا رەسەيدە سكا (سانكت- پەتەربۋرگ) كومانداسىمەن كەز­دەسسە, ودان كەيىن 26 قاڭتاردا «لادا» (توليات­تي) كلۋبىمەن شەبەرلىك بايقاسادى.