وليمپيادانىڭ العاشقى كۇنى شاڭعىمەن تۇعىردان سەكىرۋدەن قازاقستان كومانداسىنىڭ مۇشەسى يليا ميزەرنىح چەمپيون اتانىپ, تۇڭعىش التىندى جەڭىپ الدى. ال كەلەسى كۇنى شورت-ترەكتەن 1000 مەتر قاشىقتىقتا سىنعا تۇسكەن سپورتشىلارىمىز اراسىنان پولينا ومەلچۋك مارە سىزىعىن ءۇشىنشى بولىپ كەسىپ ءوتىپ, قازاقستان قورجىنىنا قولا مەدال سالدى. ول 1000 مەتر قاشىقتى 1:41,600 ۋاقىت كورسەتكىشىمەن باعىندىردى. اتالعان سىندا ءبىرىنشى جانە ەكىنشى ورىنداردى قىتايلىق سپورتشىلار تسزينتسزى لي مەن تسزينچجۋ يان جەڭىپ الدى.
وسى جەڭىستەردەن كەيىن قازاقستان 1 التىن, 1 قولا مەدالمەن جالپى ەسەپتە 6-ورىندا كەلەدى. بۇگىنگى كۇنگە دەيىن كانۆون وليمپياداسىنىڭ مەدالىن 18 مەملەكەتتىڭ ۇلتتىق قۇرامالارى الىپ ۇلگەرگەن. مەدالدار كەستەسىندە فرانتسيا كوش باستاپ تۇر. فرانتسيا – 4 التىن, 2 كۇمىس, 1 قولا, يتاليا – 4 التىن, 1 كۇمىس, 2 قولا, قىتاي – 3 التىن, 3 كۇمىس, گەرمانيا – 2 التىن, 2 كۇمىس, 1 قولا, سلوۆەنيا – 2 التىن.
