باسقارما باسشىسى عاني مايلىباەۆتىڭ ايتۋىنشا, 2023 جىلى حايۋاناتتار باعىنداعى 25 ءتۇرلى جانۋاردان 80 ءتول الىنعان. ولاردىڭ اراسىندا كوگىلدىر قوي, شەتلەند ءپونيىنىڭ ق ۇلىنى, كەنگۋرۋ, كىرپى, لەمۋر, تەڭبىل بۇعى, ءۇي قوداسى, چاپمان زەبراسى, سۋ سيىر, قوزىقۇماي, قۇماي, جاپون تىرناسى, تاۋ قازى, افريكالىق ۋلى سۇر جىلان, شىعىس كولوبۋسى جانە ت.ب. بار.
اسىرەسە مۇنداعى «پۋرگا» اتتى اق كىرەكەي كوپتىڭ نازارىن اۋدارعان. قازىر ول 6 جاستا, ەكى باسسەينى بار جارتى گەكتارعا جۋىق كەڭ قورشاۋدا تۇرادى.
ء«بىز بۇل وقيعانى ۇزاق كۇتتىك. اق قونجىقتى ىزدەۋگە جانە ونى الماتىعا جەتكىزۋ تۋرالى كەلىسسوزدەرگە ەكى جارىم جىلعا جۋىق ۋاقىت كەتتى. اقىرى اق كىرەكەيدى تەگىن الدىق. قازىر شۆەتسيا حايۋاناتتار باعىنىڭ بىرىمەن «پۋرگانىڭ» جۇبىن اكەلۋ ءۇشىن كەلىسسوزدەر جۇرگىزىپ جاتىرمىز», دەيدى عاني مايلىباەۆ.
ماسەلەن, بىلتىر زووباقتا بەگەموت تولدەدى. بۇل سوڭعى 18 جىلدا بولماعان جايت. سونداي-اق حايۋاناتتار باعىنىڭ تاريحىندا العاش رەت شىعىس كولوبۋسىنان ءتول الىنعانى دا – ماڭىزدى وقيعانىڭ ءبىرى.
«بۇگىندە الماتى حايۋاناتتار باعىنا كەلۋشىلەرگە ۇناعان «پاشا» دەيتىن ەركەك شيمپانزە وتكەن جىلى «لولا» اتتى جۇبىن تاپتى, ول دا «پۋرگۋ» سياقتى ماسكەۋدەن اكەلىنگەن. العاشىندا مايمىلدار بولەك ءومىر ءسۇرىپ, ءبىر-ءبىرىن سىرتتان باقىلاپ ءجۇردى. قازىر ولار ءبىر-بىرىنە ۇيرەنىسىپ كەتتى. ءدال وسىنداي امۋر جولبارىسىنا دا جۇپ تاڭدالدى», دەيدى حايۋاناتتار پاركىنىڭ ماماندارى.
سونىمەن قاتار حايۋاناتتار باعى گرانت زەبرالارىمەن تولىعىپ وتىر. ولار ءپىل, سۋسيىر جانە بوكەندەرمەن بىرگە 2024 جىلدىڭ سوڭىندا قۇرىلىسى باستالاتىن «افريكا ساۆانناسىن» مەكەندەيتىن بولادى.
بۇگىنگى تاڭدا الماتى حايۋاناتتار باعىندا 3 900-گە جۋىق جانۋار بار. ۇلكەن قۇرلىقتىڭ ۇزدىك تورتتىگى سانالاتىن ازيالىق ءپىل, بەگەموت, وڭتۇستىكتىڭ اق مۇيىزتۇمسىعى مەن وڭتۇستىك افريكا كەرىگى كورەرمەندەر ايرىقشا نازار قويىپ تاماشالايتىن جانۋارلار قاتارىندا. سونىمەن بىرگە اقيىق, تازقارا, قاراقۇس, بۇركىت, يتەلگى, دالا قىرانى سەكىلدى قىزىل كىتاپقا ەنگەن سيرەك قۇستاردىڭ بالاپاندارى كىشكەنتاي كەلۋشىلەردى ىنتىقتىرا تۇسەدى.
ايتپاقشى, بىلتىر حايۋاناتتار باعىنىڭ ماماندارى رايىمبەك اۋدانى سارىباستاۋ اۋىلىنىڭ ماڭىندا السىرەگەن ەركەك قار بارىسىن قۇتقاردى. ءۇش ايعا جۋىق ەمدەۋدەن جانە كۇتىمنەن كەيىن جانۋار ىلە-الاتاۋ ۇلتتىق ساياباعىنىڭ اۋماعىنا جىبەرىلدى.
الماتى
