بۇعان دەيىن بارىستىقتار ءتورت مارتە قاتارىنان جەڭىلىستىڭ اششى ءدامىن تاتىپ, تۋرنير كەستەسىندەگى جاعدايىن قيىنداتىپ العان ەدى. سالدارىنان 50 ويىننان كەيىن 40 ۇپايمەن «شىعىس» كونفەرەنتسياسىندا سوڭعى 12-ورىندا تۇرعان-دى.
ۋفالىقتارعا قارسى ويىندى جەرلەستەرىمىز بەلسەندى باستادى. ناتيجەسىندە, ەلوردالىق ۇجىم ساپىنان دميتري گۋركوۆ 6-مينۋتتا مەرگەندىك تانىتتى. ويىننىڭ 21-مينۋتىندا كيريلل ساۆيتسكي ەسەپتى ۇستەمەلەي تۇسكەنىمەن, 40-مينۋتتا «سالاۆات يۋلاەۆ» حوككەيشىسى ميحايل ناۋمەنكوۆ كوزدەگەن نىسانادان ءمۇلت كەتكەن جوق.
ال 49-مينۋتتا نيكولاي كۋلەمين ءتىپتى ەسەپتى تەڭەستىرىپ كەتتى. وسىلايشا, نەگىزگى كەزەڭ 2:2 ەسەبىمەن تەڭ اياقتالىپ, ويىن وۆەرتايمعا ۇلاستى. وۆەرتايمدا دا جەڭىمپاز انىقتالعان جوق. ال بۋلليتتە «بارىستىڭ» جولى بولدى.
وسى جەڭىستەن كەيىن «بارىس» كومانداسى «شىعىس» كونفەرەنتسياسىندا ءبىر ساتى جوعارىلاپ, 52 ۇپايمەن 11-ورىنعا جايعاستى.
ەندى ولەگ بولياكيننىڭ شاكىرتتەرى 19 قاڭتاردا – تسسكا (ماسكەۋ) كومانداسىمەن, 22 قاڭتاردا «اۆتوموبيليست» (ەكاتەرينبۋرگ) كلۋبىمەن شەبەرلىك بايقاسادى.
