فوتو: kaz.inform.kz
قازىرگى تاڭدا سپورتشىلارىمىز وزدەرىنە ارنالعان قوناقۇيلەرگە جايعاسىپ جاتىر. وليمپيادا ويىندارىنىڭ الاۋى 19 قاڭتار كۇنى تۇتانادى. 1 اقپان كۇنى مارەسىنە جەتەدى. اتالعان جارىسقا الەمنىڭ 50 مەملەكەتىنەن 1 800 سپورتشى قاتىسادى. 7 سپورت تۇرىنەن (15 ديستسيپلينا) 81 مەدال جيىنتىعى ساراپقا سالىنادى.
جىلدىڭ باستى جارىسىندا قازاقستان جاسوسپىرىمدەر قۇراماسى ساپىندا 42 سپورتشى 5 سپورت تۇرىنەن باق سىناپ, 55 جۇلدە جيىنتىعىن ساراپقا سالادى.
اتاپ ايتار بولساق, بياتلون, كەرلينگ, كونكيمەن جۇگىرۋ, شورت-ترەك, شايبالى حوككەي, شاڭعى جارىسى, شاڭعىمەن تۇعىردان سەكىرۋ, شاڭعى قوسسايىسى, تاۋ شاڭعىسى, فريستايلدان پاراللەلدى موگۋل بويىنشا سىنعا تۇسەدى.
كانۆونداعى قىسقى جاسوسپىرىمدەر وليمپياداسىنىڭ اشىلۋ سالتاناتىندا قازاقستان تۋىن كونكيمەن جۇگىرۋدەن پەتروپاۆلدان ۇلتتىق قۇرامانىڭ مۇشەسى كريستينا شۋمەكوۆا مەن ورالدىق شورت-ترەكشى ەراسىل شىڭعىسحان الىپ شىعادى.
