وقيعا • 17 قاڭتار, 2024

«الاپات ءورت»: شىمكەنتتە قۇرىلىس دۇكەندەرى مەن قويمالار وتقا وراندى

444 رەت
كورسەتىلدى
1 مين
وقۋ ءۇشىن

شىمكەنت قالاسىندا قۇرىلىس دۇكەندەرى مەن قويمالار ورتەنىپ جاتقانى تۋرالى حابار تجد-عا 17 قاڭتارعا قاراعان ءتۇنى ساعات 01:15-تە تۇسكەن. ءورت ەسكى قالا اۋدانىندا ايتەكە بي كوشەسى بويىندا قۇرىلىس ماتەريالدارىن ساتاتىن «ەۆروليۋكس» دۇكەنىنىڭ قويماسىنان شىققان, دەپ حابارلايدى Egemen.kz Turkystan.kz سايتىنا سىلتەمە جاساپ.

«الاپات ءورت»: شىمكەنتتە قۇرىلىس دۇكەندەرى مەن قويمالار وتقا وراندى

فوتو: تجم

«وقيعا ورنىنا كەلگەندە قۇرىلىس ماتەريالدارىن ساتۋمەن اينالىساتىن «ەۆروليۋكس», «گارمونيا», «مارموريت», «مەدينا» دۇكەندەرى مەن قويمالارى ورتەنىپ جاتقانى انىقتالدى. دۇكەندەردىڭ جالپى اۋماعى 2500 ش.م. ءورت شامامەن 1300 ش.م. شارپىعان. تجد كۇشەيتىلگەن رەجيمدە ءورت ءسوندىرىپ جاتىر. ونىڭ سەبەپتەرى انىقتالادى», دەپ اتاپ ءوتتى شىمكەنت قالالىق تجد.

سوڭعى جاڭالىقتار