«مەملەكەت باسشىسى مەن ەل ۇكىمەتى بيۋدجەت سالاسى قىزمەتكەرلەرىنىڭ ەڭبەگىنە اقى تولەۋ ماسەلەسىنە ۇنەمى ەرەكشە نازار اۋدارادى. بيۋدجەت سالاسىنىڭ قىزمەتكەرلەرىنىڭ, ونىڭ ىشىندە پەداگوگتەردىڭ جالاقىسى بىرنەشە رەت (2001 جىلى – 30, 2002 جىلى – 35, 2004 جىلى – 20, 2006 جىلى – 32, 2007 جىلى – 30, 2008 جىلى – 8, 2009 جىلى – 25, 2010 جىلى – 25, 2011 جىلى – 30, 2014 جىلعى 1 ساۋىردەن باستاپ – 10, 2016 جىلى شامامەن – 11, 2019 جىلى شامامەن 50 پايىزعا) كوتەرىلدى. مەملەكەت باسشىسىنىڭ 2019 جىلعى 2 قىركۇيەكتەگى قازاقستان حالقىنا جولداۋىنداعى تاپسىرماعا سايكەس, 2020-2023 جىلدارى كەزەڭىندە پەداگوگتەردىڭ جالاقىسى ەكى ەسەگە (2020 جىلى – 25 (2019 جىلعى بازاعا قاراعاندا), 2021 جىلى – 50, 2022 جىلى – 75 جانە 2023 جىلى – 100 پايىزعا) ارتتى. سونداي-اق مەكتەپكە دەيىنگى تاربيە جانە وقىتۋ پەداگوگتەرىنىڭ جالاقىسى 2023 جىلعى 1 قىركۇيەكتەن باستاپ تاعى 30 پايىزعا كوتەرىلدى. بيىل پەداگوگتەردىڭ جالاقىسىن ارتتىرۋ قاراستىرىلماعان», دەپ اتاپ ءوتتى مينيسترلىك.
ۆەدومستۆونىڭ مالىمەتىنشە, مەملەكەت باسشىسىنىڭ 2021 جىلعى 1 قىركۇيەكتەگى قازاقستان حالقىنا جولداۋىنداعى تاپسىرماسىن ورىنداۋ ءۇشىن ءبىلىم بەرۋ ۇيىمدارىندا قىزمەت اتقاراتىن پەداگوگ ەمەس قىزمەتكەرلەردىڭ (اكىمشىلىك جانە قوسالقى پەرسونال قىزمەتكەرلەرىنىڭ) جالاقىسى 2022-2025 جىلدار كەزەڭىندە ورتا ەسەپپەن 20 پايىزعا كوتەرىلىپ جاتىر.
ماسەلەن, ولاردىڭ جالاقىسى 2022 جىلى – 23, ال وتكەن جىلى 45 پايىزعا ۇلعايدى.
«وسىلايشا, ءبىلىم بەرۋ ۇيىمدارىنىڭ اكىمشىلىك جانە قوسالقى پەرسونال قىزمەتكەرلەرىنىڭ جالاقىسى 2024 جىلى 71 پايىزعا ءوستى. اتالعان ساناتتاعى قىزمەتكەرلەردىڭ جالاقىسىن 2025 جىلى 100 پايىزعا ارتتىرۋ جوسپارلانعان», دەدى مينيسترلىكتەن.
