فوتو: pixabay.com
جەلىدە تاراعان اقپاراتقا سايكەس, ەكى جاس مۇعالىم ترانسۆەستيتتەرگە ارنالعان تۇنگى كلۋبقا بارىپ, سول جەردەن ۆيدەو جاريالاعان.
الەۋمەتتىك جەلىدەگى شۋدان كەيىن مۇعالىمدەر جۇمىستان شىعارىلدى. بۇل شەشىمدى وقۋ-اعارتۋ مينيسترلىگىنە قاراستى ءبىلىم بەرۋ سالاسىنداعى ساپانى قامتاماسىز ەتۋ كوميتەتىنىڭ باسشىسى ەرنۇر داۋەنوۆ ءتۇسىندىردى.
«قىسقى كانيكۋلدا تۇركياداعى تۇنگى كلۋبتا دەمالعان قىزىلوردا وبلىسىنىڭ ەكى مۇعالىمى الەۋمەتتىك جەلىدە ۆيدەو جاريالاعان. ولاردىڭ ۆيدەوداعى ءىس-ارەكەتى اتا-انالار قاۋىمىنىڭ نارازىلىعىن تۋدىردى. مۇعالىمدەر جۇمىستان بوساتىلدى», دەدى ول.
كوميتەت باسشىسى ەتيكالىق نورمالاردى ساقتاۋ مۇعالىمدەردىڭ مىنەز-قۇلقى مەن ءىس-ارەكەتىنىڭ قالىپتى سيپاتى بولۋى كەرەكتىگىن ايتىپ, ەل ۇستازدارىن مورالدىك-ادامگەرشىلىك قۇندىلىقتار تالابىنا ساي بولۋعا شاقىردى.
