فوتو: stv پورتالىنان
«قازاقستان حالقىنا» قق قايىرىمدىلىق باعدارلامالارى مەن جوبالارىن ىسكە اسىرۋ تۋرالى» ماسەلە قوزعالعان دوڭگەلەك ۇستەلدە بولات جامىشەۆ اعزا الماستىرۋ باعىتىندا قوردان قارجى ەمەس قولداۋ سۇراعان دارىگەرلەردىڭ ءسوزىن تىلگە تيەك ەتتى.
«دارىگەرلەر قوردان اقشا قاجەت ەمەس, ەلىمىزدە ءمايىت دونورلىعى قايتا جۇمىس ىستەيتىندەي ەتىپ زاڭدى وزگەرتۋ كەرەك دەيدى. كونفەرەنتسيا وتكىزدىك. ۇكىمەتتى جانە قوعامدى ترانسپلانتاتسيا جانە ءمايىت دونورلىعى تۋرالى زاڭدى وزگەرتۋگە ءالى دە ىنتالاندىرۋدى كوزدەپ, دەنساۋلىق ساقتاۋ مينيسترلىگىمەن بىرگە وسى كونفەرەنتسياعا قاتىستىق», دەدى بولات جامىشەۆ.
تەلەارنانىڭ دايەگىنشە, قازىرگى تاڭدا ەلدە 4 مىڭ پاتسيەنت اعزا ترانسپلانتاتسياسى بويىنشا كەزەگىنىڭ جەتۋىن ۇمىتپەن كۇتىپ وتىر.
ولاردىڭ قارايلايتىن باعىتى كوز جۇمعان ادامنىڭ ورگانيزمدەرىن الۋ زاڭ بويىنشا رەتتەلگەن ەلدەر.
«قازاقستان حالقىنا» قورى شەت ەلدەن اعزا الدىرۋ قۇنى قىمبات بولعاندىقتان, قارجى بارلىعىنا جەتپەيتىنىن العا تارتىپ, ەلدەگى زاڭدى قايتا ەكشەپ, وزگەرىستەر ەنگىزۋگە مۇددەلى بولىپ وتىر.
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكستە ءتىرى ادامدار دا دونور بولا الاتىنى بەلگىلەنگەن.
ەلىمىزدە ءتىرى كەزىندەگى دونوردان اعزانى (اعزانىڭ بولىگىن) اۋىستىرىپ سالۋ تۋرالى شەشىمدى ەتيكالىق كوميسسيا قابىلدايدى.
كوميسسيا بەكىتكەن تالاپقا ساي ءتىرى كەزىندە مىنا تىزىمدەگى ادامدار عانا دونور بولا الادى:
- 18 جاستاعى جانە وسى جاستان اسقان ازاماتتار;
- ارەكەتكە قابىلەتتى ادامدار;
- اعزاسىن (اعزاسىنىڭ بولىگىن) جانە تىندەرىن ء(تىنىنىڭ بولىگىن) ودان ءارى ترانسپلانتاتتاۋ ءۇشىن الۋعا جازباشا نوتاريۋس بويىنشا كۋالاندىرىپ, كەلىسىمىن بىلدىرگەن تۇلعا;
- اعزاسىن (اعزاسىنىڭ بولىگىن) الۋ دەنساۋلىقتىڭ ءبىرجولا بۇزىلۋىنا الىپ كەلمەيتىنى راستالاتىن جان-جاقتى مەديتسينالىق زەرتتەپ-قاراۋدان وتكەن ادام.
ايتا كەتەيىك, قايتىس بولعان ادامنىڭ اعزاسى دونور رەتىندە بەرىلەتىن بولسا 7 ادامنىڭ ءومىرىن قۇتقارۋ مۇمكىندىگى پايدا بولادى.
