«نوماد» توپ جاردى

ەلوردالىق ۇجىم پولشانىڭ «كا­توۆيتسە» كومانداسىمەن كەزدەستى. ماتچ بارىسىندا حوككەيشىلەر تارتىستى ويىن وتكىزدى. ءبىرىنشى كەزەڭدە ەسەپ وزگەرىسسىز قالعانىمەن, ەكىنشى كەزەڭدە «كاتوۆيتسە» ويىنشىسى رايان كۋك 35-مينۋتتا ەسەپ اشىپ كەتتى. الايدا اراعا 2 مينۋت سالىپ «نوماد» ساپىنان ماكسيم مۋسوروۆ (37-مينۋتتا) تارازى باسىن تەڭەستىردى.

ءۇشىنشى كەزەڭدە ولەگ بويكو – 41, الان گاتياگوۆ 53-مينۋتتا ەلوردالىق كلۋبتىڭ با­سىمدىعىن ارتتىرا ءتۇستى. وسىلايشا, «نو­ماد» قار­سىلاسىن 3:1 ەسەبىمەن تىزە بۇكتى­رىپ, قۇر­­لىق­تىق كۋبوك ويىندارىنىڭ جەڭىمپازى اتاندى.

فيودور پوليششۋك جاتتىقتىراتىن «نو­ماد» العاشقى ەكى ويىندا «حەرنينگ بليۋ فوكس» (دانيا) كلۋبىنان 5:2 ەسەبىمەن باسىم تۇسسە, ۋەلستىڭ «كارديفف دەۆيلز» حوككەيشىلەرىن 7:2 ەسەبىمەن ويسىراتا جەڭدى.

قۇرلىقتىق كۋبوك حالىقارالىق شايبالى حوككەي فەدەراتسياسى اياسىندا 1997 جىلدان بەرى تۇراقتى تۇردە وتكىزىلىپ كەلەدى. بۇگىنگە دەيىن ەلىمىزدىڭ اتىنان قا­تىس­قان كوك­شەتاۋدىڭ «ارلان» كومانداسى 2018/2019 جىلعى تۋرنيردە باس جۇل­دەنى جەڭىپ العان. سونداي-اق ءار جىلداردا «بەيبارىس» (اتىراۋ), «سارىارقا» (قا­راعاندى), «نوماد» (استانا) 2-ورىنعا جايعاسسا, «قازتسينك-تورپەدو» (وسكەمەن) قولا جۇلدەگەر اتانعان ەدى.