فوتو: almatydc.kz
«جەكە تۇلعالاردىڭ 2023 جىل ءۇشىن كولىك سالىعىن تولەۋ مەرزىمى 2024 جىلعى 1 ساۋىردە اياقتالادى. سالىقتى ەسەپتەۋ كەزىندە 2023 جىلى قولدانىستا بولعان 3 450 تەڭگە مولشەرىندەگى ايلىق ەسەپتىك كورسەتكىش قولدانىلادى», دەلىنگەن كوميتەت حابارلاماسىندا.
كولىك يەلەرى تولەۋ ءتيىس سالىق مولشەرىن kgd.gov.kz پورتالى مەن «e-Salyq Azamat ءموبيلدى قوسىمشاسىنداعى سالىق كالكۋلياتورىن قولدانىپ دەربەس ەسەپتەي الادى.
جۇرگىزۋشى تولەۋ ءتيىس ناقتى سالىق سومماسى ەكىنشى دەڭگەيلى بانك قوسىمشاسىنا PUSH-حابارلاما تۇرىندە جىبەرىلەدى.
جەكە تۇلعالاردىڭ كولىك سالىعىن بانكتەردىڭ ءموبيلدى قوسىمشالارىندا تولەۋگە بولادى.
سونىمەن قاتار جەكە تۇلعالار سالىقتى ەكىنشى دەڭگەيلى بانك بولىمشەلەرىندە نەمەسە تولەم تەرمينالدارىندا قولما-قول اقشا, بانكوماتتار مەن تولەم تەرمينالدارىندا بانك كارتالارى ارقىلى تولەي الادى.
