اتاپ ايتقاندا, قالانىڭ باستى جىلۋ كوزدەرىنە جاۋاپتى «تەپلوكوممۋنەنەرگو» مەملەكەتتىك كاسىپورنىنىڭ تىنىس-تىرشىلىگىمەن, جۇمىس بارىسىمەن قانىقتى. ودان كەيىن «قتج-جۇك تاسىمالى» جشس-دا ايالداپ, ەڭبەك ادامدارىمەن اشىق اڭگىمەلەستى. ياعني تەمىرجول جۇك تاسىمالى جۇيەسىندەگى اشىقتىق, ءتۋريزمدى دامىتۋ, ەلەكتروندى كوممەرتسيا جۇيەسىن ەنگىزۋ جايىمەن دە تانىستى.
قالاداعى الدىڭعى قاتارلى ساۋدا نىسانى سانالاتىن «اقشىڭ» ساۋدا ورتالىعىنا كەلگەن ءماجىلىس دەپۋتاتى ەلىمىزدەگى كاسىپكەرلىك سالانىڭ دامۋ بارىسى جانە سالىق ساياساتىنىڭ جۇزەگە اسۋىنا قاتىستى ويلارىن ورتاعا سالىپ, پىكىر الماستى. سونىمەن بىرگە ساۋدا ورتالىعىنىڭ ءىشىن ارالاي ءجۇرىپ, زامان تالابىنا ساي جاسالعان ساۋدا الاڭدارىنىڭ ورنالاسۋ رەتىن كورىپ, ەلىمىزدىڭ بازارلارىنىڭ مودەرنيزاتسيادان وتكىزۋگە وسىنداي سەرپىندى قادامدار جاساۋ قاجەتىنە توقتالدى. ىرگەتاسى قالانعانىنا 30 جىلدىڭ ءجۇزى بولعان «اقشىڭ» ساۋدا نىسانىندا بۇل كۇندە 3 مىڭنان استام كاسىپكەر ساۋدا كورىگىن قىزدىرىپ وتىر.
شاكارىم اتىنداعى سەمەي ۋنيۆەرسيتەتىندە رۋسلان بەردەنوۆتىڭ جاستارمەن كەزدەسۋى ەل بولاشاعىنا قاتىستى ءتۇرلى تاقىرىپتى كەڭىنەن قامتۋىمەن ەرەكشەلەندى. اسىرەسە قۇمار ويىندارعا تاۋەلدىلىك جاستار اراسىندا كەڭ ەتەك الىپ بارا جاتقانى قىزۋ تالقىعا ءتۇستى.
– زياندى ادەتتەر مەن ونىڭ جاعىمسىز سالدارى – قازىرگى قوعامنىڭ جاھاندىق دەرتى. كەيىنگى كەزدەرى جاستار اراسىندا قۇمار ويىندارعا تاۋەلدىلىك بەلەڭ الىپ وتىر. ءبىز قوعام بولىپ بۇل ماسەلەمەن كۇرەسۋىمىز كەرەك. ويتكەنى مۇنىڭ استارىندا ادامداردىڭ, ولاردىڭ وتباسىلارىنىڭ, بۇكىل حالىقتىڭ تاعدىرى جاتىر, – دەدى ۋنيۆەرسيتەت رەكتورى دۋمان رىمعالي ۇلى.
رۋسلان ارىسبەك ۇلى ستۋدەنتتەردىڭ نازارىن ويىنعا تاۋەلدىلىكتىڭ جاعىمسىز سالدارى مەن پارلامەنتتەگى پارتيا فراكتسياسى جۇرگىزىپ جاتقان جۇمىستارعا اۋداردى.
– كەيىنگى ءبىر جىلدا ەلىمىزدە 350 مىڭنان استام ويىنعا تاۋەلدى ادام تىركەلىپ, 2 مىڭ سايت پەن ونلاين كازينو اككاۋنتتارى بۇعاتتالدى. مەملەكەت باسشىسى ۇكىمەتكە ويىننىڭ زاڭسىز تۇرلەرىنە شەكتەۋدى كۇشەيتۋدى تاپسىردى. كوپتەگەن جاستار ءتىل ۇيرەنۋ مەن سپورتپەن اينالىسۋدىڭ ورنىنا «وڭاي اقشا» تابۋدىڭ جولىن ىزدەپ, ويىننىڭ تورىنا قالاي تۇسكەنىن بىلمەي قالادى. سوندىقتان مەيلىنشە جامان ادەتتەردەن اۋلاق بولىپ, سالاماتتى ءومىر سالتىن ۇستانىپ, بوس ۋاقىتتى ءوزىن-ءوزى دامىتۋعا جانە ءوزىن-ءوزى تانىتۋعا جۇمساۋ كەرەك, – دەپ اتاپ ءوتتى ءماجىلىس دەپۋتاتى ر.بەردەنوۆ.
ماجىلىسمەن پارلامەنتتە اتقارىپ جاتقان زاڭ شىعارۋ قىزمەتىنەن دە حاباردار ەتتى. بۇل قۇمار ويىنعا تاۋەلدىلىكتىڭ تارالۋىن ازايتۋ جانە ويىن بيزنەسىن شەكتەۋ, ەكۆايرينگتى ەنگىزۋ, جاڭا سالىق كودەكسىندە ققس تومەندەتۋ سياقتى وزەكتى ماسەلەلەردىڭ ءتۇيىنىن تارقاتۋعا باعىتتالىپ وتىر.
اشىق اڭگىمە بارىسىندا شاكارىم ۋنيۆەرسيتەتى مەن ءاليحان بوكەيحانوۆ اتىنداعى ۋنيۆەرسيتەتتىڭ ستۋدەنتتەرى قانداي كاسىپتى باستاۋعا بولادى, ۆەيپينگكە قاشان تىيىم سالىنادى, قۇمار ويىندارعا تاۋەلدىلىكتەن قاي جەردەن ەمدەلۋگە بولادى, ءوڭىردى دامىتۋدىڭ بولاشاعى قانداي دەگەن ساۋالدارعا جاۋاپ الدى. كەزدەسۋلەردە سايلاۋشىلار تاراپىنان ايتىلعان بارلىق ماسەلە ماجىلىستەگى «Respublica» پارتياسى فراكتسياسىنىڭ نازارىنا الىنادى.
اباي وبلىسى
