فوتو: KZgovernment
ۇكىمەت وتىرىسىندا توتەنشە جاعدايلار ءمينيسترى سىرىم ءشارىپحانوۆ كوكتەمگى تاسقىنعا توتەپ بەرۋدەگى قاۋقارىن باياندادى. سالا باسشىسى قۇرامىندا 39 مىڭنان استام ادام, 11 مىڭعا جۋىق تەحنيكا, 500-دەن استام ءجۇزۋ قۇرالدارى جانە 3 مىڭنان استام موتوپومپا ساقاداي-ساي ەكەنىن ايتتى.
قۇتقارۋ كۇشى مەن قۇرالداردى جەدەل تاسىمالداۋ, سونداي-اق زارداپ شەككەن حالىقتى شۇعىل ەۆاكۋاتسيالاۋ جاعدايىندا «قازاۆياقۇتقارۋ» اق اۋە كەمەلەرى تۇراقتى دايىندىقتا بولادى. ازاماتتىق قورعانىستىڭ اسكەري بولىمدەرى دە قۇتقارۋ وپەراتسيالارىنا قاتىسۋعا دايىن. سونىمەن قاتار سۋ تاسقىنىنا قارسى ءىس-شارالاردىڭ ءتيىستى جول كارتاسىن ىسكە اسىرۋ جالعاسىپ جاتىر. اتاپ ايتقاندا, اقمولا وبلىسىندا ەسىل سۋ رەتتەگىشىن سالۋ بويىنشا جوبالاۋ سمەتالىق قۇجاتتامالارى ازىرلەنىپ جاتقانىن جەتكىزدى.
