«Rio Tinto Group» – اۋستراليالىق-بريتاندىق كونتسەرن, الەمدەگى ءۇشىنشى ءىرى ترانسۇلتتىق تاۋ-كەن مەتاللۋرگيالىق كومپانياسى. «Fortescue Metals Group» – اۋستراليالىق تەمىر رۋداسىن ءوندىرۋشى كومپانيا جانە وندىرىستىك قۋاتى بويىنشا الەمنىڭ ءتورتىنشى ءىرى تەمىر رۋداسىن ءوندىرۋشى. «Rio Tinto Group» جانە «Fortescue Metals Group» سياقتى تاۋ-كەن كومپانيالارىنىڭ نارىقتىق كاپيتالدانۋى 180 ميلليارد دوللاردان اسادى.
«45 جەر قويناۋى ۋچاسكەسىندە قاتتى پايدالى قازبالاردى بارلاۋ قۇقىعىن الۋعا باعىتتالعان اۋكتسيون 2,5 ميلليارد تەڭگەگە جۋىق قولتاڭبا بونۋسىمەن اياقتالدى, بۇل ستراتەگيالىق ماڭىزدى اۋماقتارعا قىزىعۋشىلىقتىڭ جوعارى ەكەندىگىن كورسەتەدى. شەتەلدىك ءىرى كومپانيالاردىڭ قاتىسۋى ولاردىڭ جاھاندىق باسەكەلەستىككە دەگەن ۇمتىلىسىن كورسەتىپ قانا قويمايدى, سونىمەن قاتار ايماقتاعى بارلاۋ قۇقىعى ءۇشىن كۇرەستەگى ۇلەستى ارتتىرادى», دەپ حابارلادى مينيسترلىك.
مەملەكەت باسشىسى جولداۋدا ۇكىمەت الدىنا 2026 جىلعا قاراي زەرتتەلەتىن اۋماقتى 2,2 ميلليون شارشى شاقىرىمعا دەيىن ۇلعايتۋ جونىندە مىندەتتەر قويعان ەدى. بۇل بيىك باستامالار ەلدىڭ ەكونوميكالىق دامۋىنا ايتارلىقتاي ىقپال ەتەدى. گەولوگيالىق بارلاۋدى كەڭەيتۋ ەل ءۇشىن رەسۋرستاردى وندىرۋدە, جۇمىس ورىندارىن قۇرۋدا, وتاندىق جانە شەتەلدىك ينۆەستيتسيالاردى ىنتالاندىرۋدا جاڭا پەرسپەكتيۆالار اشادى.
الەمدىك نارىققا ءىرى ويىنشىلاردىڭ ءساتتى تارتىلۋى قازاقستاننىڭ الەمدىك ارەناداعى بەدەلى ارتىپ كەلە جاتقانىن كورسەتەدى جانە شەتەلدىك ينۆەستيتسيالاردىڭ كەلۋىنە ىقپال ەتەدى.
