ەلوردانىڭ قىلمىستىق ىستەر جونىندەگى اۋدانارالىق سوتى حابارلاعانداي, اتالعان ازامات 2019 جىلدىڭ 1 ناۋرىزى مەن 2023 جىلدىڭ 17 ناۋرىزى ارالىعىندا استانا قالاسى مەن اقمولا وبلىسىنىڭ اۋماعىندا «Qnet» حالىقارالىق كومپانياسى ونىمدەرىنىڭ ينتەرنەت ساۋداسىنىڭ مۇقاباسىمەن قارجى پيراميداسىن ۇيىمداستىردى. ءارى قاراي, ول تاۋاردى زاڭدى تۇردە ساتىپ الۋ ماقساتىندا جابىرلەنۋشىلەرگە پسيحولوگيالىق قىسىم كورسەتە وتىرىپ, ەكىنشى دەڭگەيدەگى بانكتەردەن, سونىڭ ىشىندە تاۋارلىق نەسيەلەر الۋعا ماجبۇرلەپ, ولاردىڭ اقشالارىن زاڭسىز تارتقان.
«شىندىعىندا, تولەمدەر باسقالاردى تارتۋ ەسەبىنەن جۇرگىزىلدى جانە تولەمدەر مولشەرى سالىنعان قاراجات سوماسىنىڭ تەك 10-15% عانا قۇرادى. ءارى قاراي «QNET»-كە ادامداردى تۇراقتى تارتۋدىڭ بولماۋىنا بايلانىستى تولەمدەر تۇسپەگەن. وسىلايشا, تومەندە تۇرعان ادامدار تۇراقتى نەگىزدە تولەمدەر الماعان, نەمەسە جاڭا تۇلعالاردى تارتۋ ارقىلى ازداپ اقشا بەرگەن. ال ول ءتىپتى بانك مەكەمەلەرىندە پايىزبەن الىنعان ينۆەستيتسيالانعان جەكە قاراجاتتى دا وتەمەگەن. ونىڭ قىزمەتىنىڭ ناتيجەسىندە 136 جابىرلەنۋشىگە 145 ملن تەڭگەدەن استام مولشەردە م ۇلىكتىك زالال كەلتىرىلدى», دەلىنگەن ءباسپاسوز حابارلاماسىندا.
سوت ۇكىمىمەن Qnet قارجى پيراميداسىنىڭ باسشىسى زاڭنىڭ 217-بابى 3-بولىگىنىڭ 2-ءشى تارماعىمەن جانە 218-بابىنىڭ 1-بولىگىمەن كوزدەلگەن قىلمىستىق قۇقىق بۇزۋشىلىقتار جاساعانى ءۇشىن كىنالى دەپ تانىلىپ, مۇلكى تاركىلەنىپ, ازاماتتاردىڭ اقشالاي قاراجاتى مەن ينۆەستيتسيالاردى تارتۋعا بايلانىستى قىزمەتپەن اينالىسۋ قۇقىعىنان 5 جىل مەرزىمگە ايىرىلا وتىرىپ, 6 جىلعا باس بوستاندىعىنان ايىرىلدى.
