دەپۋتاتتار وبلىس اكتيۆى – ارداگەرلەر كەڭەسىنىڭ مۇشەلەرىمەن, وبلىستىق ءماسليحات دەپۋتاتتارىمەن جانە جۇرتشىلىقپەن ءوڭىردىڭ دامۋ بارىسىن تالقىلادى.
وبلىس اكىمى بەرىك ابدىعالي ۇلى ايماقتى دامىتۋداعى باسىم باعىتتارعا توقتالدى. وبلىس ورتالىعىنىڭ ينفراقۇرىلىمىن جاڭعىرتۋ جانە كەڭەيتۋ, جەزقازعان قالاسىنىڭ جاڭا باس جوسپارىن قابىلداۋ, ساتباەۆ قالاسىن قوسا وتىرىپ, ەكىنشى جىلۋ ەلەكتر ورتالىعىنىڭ سالىنۋىن قاراستىرۋ ماسەلەلەرى – ءبىرىنشى كەزەكتە تۇر. سونداي-اق ەكى جىلدىڭ ىشىندە 3600 ورىندىق 6 جايلى مەكتەپ سالىنىپ, پەريناتالدىق ورتالىق, سپورت نىساندارى جانە جاڭا تۇرعىن ءۇي قۇرىلىسى جوسپارلانعان.
ەرلان قوشانوۆ مەملەكەت باسشىسىنىڭ باستاماسىمەن ۇلىتاۋ وبلىسىنىڭ قۇرىلۋى بۇكىل ەل ءۇشىن ماڭىزدى وقيعا ەكەنىن اتاپ ءوتتى. سوندىقتان پرەزيدەنت, پارلامەنت, ۇكىمەت جاڭا ءوڭىردىڭ دامۋىنا ەرەكشە كوڭىل بولەدى.
« ۇلىتاۋ وبلىسى – ءوز الدىنا وتاۋ تىككەن دەربەس, ەكونوميكالىق, الەۋمەتتىك, مادەني دامۋ الەۋەتى زور ءوڭىر. وبلىسقا تارتىلعان ينۆەستيتسيا كولەمى وتكەن جىلمەن سالىستىرعاندا 45 ملرد تەڭگەگە ارتىپ, 171 ملرد تەڭگەدەن استى. 67 مىڭ شارشى مەتر باسپانا پايدالانۋعا بەرىلدى. بۇل ءوڭىردىڭ جاقسى دامۋ ديناميكاسىن كورسەتەدى», دەدى ءماجىلىس توراعاسى.
سونداي-اق ساپار بارىسىندا جەزقازعان بايىتۋ كومبيناتى, جەو جانە ساتباەۆ قالاسىنداعى «اننەنسكايا» كەنىشىنىڭ جۇمىسشىلارىمەن كەزدەسۋلەر جوسپارلانعان.
