كاسىپكەرلىكتى مەملەكەتتىك قولداۋ جانە قورعاۋ دەپارتامەنتىنىڭ ديرەكتورى نۇربول جانابەكوۆتىڭ مالىمەتىنشە, قازىرگى ۋاقىتتا وڭدەۋ ونەركاسىبىنە, ازىق-ت ۇلىك وندىرىسىنە, ارگوونەركاسىپ كەشەنىندەگى قايتا وڭدەۋگە باسا نازار اۋدارىلىپ وتىر.
«مەملەكەت باسشىسىنىڭ جولداۋى اياسىندا باعدارلامانى جەتىلدىرىپ جاتىرمىز. «بيزنەستىڭ جول كارتاسى» باعدارلاماسىن «قاراپايىم زاتتار ەكونوميكاسى» باعدارلاماسىمەن بىرىكتىرىپ, وڭدەۋشى ونەركاسىپكە باسىمدىق بەرىلمەك», دەيدى. ۆەدومستۆو وكىلىنىڭ ايتۋىنشا, مەملەكەتتىك قولداۋ شارالارىمەن كرەاتيۆتى يندۋستريا جوبالارى دا قامتىلعان.
ء«بىز ۇسىنعان قولداۋ قۇرالدارى ينۆەستيتسيالاۋدى نەمەسە وپەراتسيالىق شىعىنداردى جابۋدى قاجەت ەتەتىن كاسىپكەرلەرگە باعىتتالعان. ءبىز مولشەرلەمەلەردىڭ قازىر ايتارلىقتاي جوعارى ەكەنىن بىلەمىز. بانكتەردىڭ قارجى قۇرالدارىن پايدالانا الاتىن بيزنەس كوپ ەمەس. باعدارلامانىڭ شارتتارىنا سايكەس كەلسە, كاسىپكەر «دامۋ» قورىنا جۇگىنە الادى, ال ءبىز پايىزدىق مولشەرلەمەنىڭ ءبىر بولىگىن سۋبسيديالايمىز. بانككە ءوزىنىڭ بيزنەس-جوباسىمەن جۇگىنگەن, بىراق كەپىلمەن قامتاماسىز ەتۋدىڭ جەتكىلىكسىزدىگىنە تاپ بولعان نەمەسە بانكتىڭ كەپىل ساياساتىنا سايكەس كەلمەيتىندەر ءۇشىن دە قور تاراپىنان كومەك بار. اتاپ ايتقاندا, سۇرالعان نەسيە سوماسىنىڭ 85 پايىزىنا دەيىن كەپىل بولا الادى جانە كاسىپكەر ۇسىنعان جوباسىن تولىق كولەمدە قارجىلاندىرا الادى», دەپ ءتۇسىندىردى «دامۋ» كاسىپكەرلىكتى دامىتۋ قورى» اق استانا قالاسى بويىنشا وڭىرلىك فيليالىنىڭ ديرەكتورى سۆەتلانا نازاريۋك.
نۇربول جانابەكوۆ سوڭعى جىلدارى شاعىن جانە ورتا بيزنەستىڭ دامۋىندا بەلسەندىلىك بايقالادى, وتكەن جىلمەن سالىستىرعاندا, جۇمىس ىستەپ تۇرعان كاسىپكەرلەر سانى 18 پايىزعا ءوسىپ, 2,41 ميلليون بولدى دەيدى.
«وسى سالادا جۇمىسپەن قامتىلعاندار سانى 13,5 پايىزعا ءوستى جانە 4,272 ملن استام ادامدى قۇرادى. ءونىم شىعارۋ كولەمى بىلتىرمەن سالىستىرعاندا جالپى 23 پايىزعا ۇلعايىپ, 28,7 ترلن تەڭگە بولدى. مۇنداي كورسەتكىشتەرگە مەملەكەتتە جۇزەگە اسىرىلىپ جاتقان قارجىلىق جانە قارجىلىق ەمەس باعدارلامالار ىقپالىن تيگىزۋدە. بۇل باعدارلامالاردى سالالىق مەملەكەتتىك ورگاندار مەن وپەراتورلار جۇزەگە اسىرادى», دەدى سپيكەر.
ايتۋىنشا, سۋبسيديالاۋ ارقىلى جەڭىلدەتىلگەن نەسيە, ءىشىنارا كەپىلدەمە جانە قايتارىمسىز مەملەكەتتىك گرانتتار بەرۋ, اقپاراتتىق-كونسۋلتاتسيالىق قىزمەتتەر, كاسىپكەرلىك قىزمەتتى جۇرگىزۋگە سەرۆيستىك قولداۋ كورسەتۋ, ىسكەرلىك بايلانىستار, كاسىپتىك وقىتۋ سياقتى قارجىلىق ەمەس قولداۋ تۇرلەرى جۇزەگە اسىرىلادى.
«سۋبسيديالاۋ – سۇرانىسقا يە قۇرال. بۇل جەڭىلدەتىلگەن نەسيە الۋعا باعىتتالعان. ياعني كاسىپكەر 21 پايىزبەن نەسيە السا, ونىڭ 13 پايىزى سۋبسيديالانىپ, 8 پايىزبەن, اۋىلدىق جەرلەردە 7 پايىزبەن جەڭىلدەتىلگەن نەسيە بەرىلەدى. جەڭىلدەتىلگەن نەسيە 3 ملرد تەڭگەگە دەيىن 5 جىلعا بەرىلەدى. بۇدان باسقا, سۋبسيديا «قاراپايىم زاتتار ەكونوميكاسى» باعدارلاماسىندا دا بار. نەسيەلەر 8 پايىزبەن, قىزمەتتەر سالاسىنا 10 پايىزبەن 5 جىلعا دەيىن بەرىلەدى», دەدى.
جىل باسىنان بەرى شاعىن جانە ورتا بيزنەس سۋبەكتىلەرى 1,4 ملرد تەڭگە سوماسىنا 364 گرانت الىپتى. سونىمەن قاتار 2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوباعا قاتىسۋشىلاردىڭ دا بەلسەندىلىگى جوعارى. 1 جەلتوقسانداعى جاعداي بويىنشا ۇلتتىق جوباعا 686,2 مىڭ ادام قاتىسقان. 488,2 مىڭ ادام جۇمىسقا ورنالاسىپ, ونىڭ 292,3 مىڭى تۇراقتى تابىس كوزىن تاپقان.
