وسى باسەكەلەر بارىسىندا باق وكىلدەرىنە سۇحبات بەرگەن اتالعان جارىستىڭ باستى دەمەۋشىسى «حالىق» قورىنىڭ الماتى وبلىسى بويىنشا فيليالىنىڭ ديرەكتورى عالىمبەك جاقسىلىق: «جاستارىمىزدى بالا كەزىنەن دۇرىس تاربيەلەپ, ولارعا وڭ باعىت-باعدار بەرۋ وتە ماڭىزدى. سونى قاپەرگە الا وتىرىپ, ءبىز جەتكىنشەكتەردى سپورت پەن سالاماتتى ءومىر سالتىنا باۋلۋعا باعىتتالعان وسى يگى ءىس-شارانى قولعا الدىق. مىنە, بۇگىن كاراتەشىلەرىمىز الاتاۋ باۋرايىندا باس قوسىپ, ءدۇيىم جۇرتتىڭ الدىندا ءوز شەبەرلىكتەرىن كورسەتۋدە. تامىرىن تەرەڭگە تارتقان كاراتەنىڭ وزىندىك فيلوسوفياسى مەن قاعيداتتارى بار. ەڭ باستىسى, ول ادامدى ىزگىلىككە, تارتىپكە, جاۋاپكەرشىلىككە ۇيرەتەدى. وسىنداي باعا جەتپەس قۇندىلىقتاردى ارقايسىسىمىز ءوز بالالارىمىزدىڭ بويىنا ءسىڭىرۋىمىز قاجەت. «حالىق» قورى وسى شارامەن عانا شەكتەلىپ قالعان جوق. ماسەلەن, بيىل «اۋىل فۋتبولى» دەگەن جوبانىڭ باس دەمەۋشىسى بولدىق. سول ارقىلى شالعايداعى ەلدى مەكەندەردە تىنباي ەڭبەك ەتىپ جاتقان 100 بالالار جاتتىقتىرۋشىسىن ۋەفا-نىڭ تالاپتارىنا ساي D كاتەگورياسى بويىنشا وقىتىپ جاتىرمىز. سونىمەن قاتار اۋىلدىڭ 100 كومانداسىن قاجەتتى قۇرال-جابدىقتارمەن قامتاماسىز ەتتىك», دەپ ءبىراز تارتىمدى اڭگىمەنىڭ تيەگىن اعىتتى.
«قازاقستاننىڭ بارلىق ستيلدەگى كاراتە فەدەراتسياسى» رەسپۋبليكالىق قوعامدىق بىرلەستىگى ۇيىمداستىرعان جارىسقا كەلەر بولساق, بالعىن سپورتشىلار مەن جاس ورەندەر اراسىندا ايرىقشا شەبەرلىگىمەن كوزگە تۇسكەندەر از بولعان جوق. سولاردىڭ اراسىنان ياسمينا ياسينجانوۆا, الۋا ازاتحان, نۇرتىلەك ەلجانوۆ, دياس نۇرلان, شاپاعات قۋاندىق, ءامىحان ەركىن, سىرىم اسقار, بالاۋسا قۋاندىق, اياجان مىرزاحمەت جانە جانگۇل مىرزاسادىق سىندى كاراتەشىلەردى ەرەكشە اتاپ وتۋگە بولادى. ولاردىڭ بارلىعى دا باس جۇلدەنى ولجالادى. سونداي-اق شەتەلدەن كەلگەن جاس جەتكىنشەكتەردىڭ دە ءبىرازى وزدەرىن جاقسى قىرىنان كورسەتىپ, جەڭىس تۇعىرىنا كوتەرىلدى.
«bel-bilek» حالىقارالىق شىعىس جەكپە-جەگى فەستيۆالى اياقتالعاننان كەيىن جەڭىمپازدار مەن جۇلدەگەرلەر ءتۇرلى-ءتۇستى مەدالدى موينىندا جارقىراتسا, وسى سپورت ءتۇرىن دامىتۋعا ەلەۋلى ۇلەس قوسقان 50 جاتتىقتىرۋشىعا العىسحات پەن ەستەلىك سىيلىق تابىس ەتىلدى.
