ءىس-شارانىڭ ماقساتى – قازاق قىزدارىنىڭ بويىنداعى يناباتتىلىق, ادەپتىلىك, ادەمىلىك, كىشىپەيىلدىلىك سەكىلدى اسىل قاسيەتتەردى دارىپتەۋ. بايقاۋعا باس قالاداعى كوللەدجدەردە وقيتىن اقىلدارى كوركىنە ساي 12 بۇرىمدى ارۋ قاتىستى. ولار ءان ايتىپ, بي بيلەپ, قويىلىم كورسەتىپ, كورەرمەندەردى ءوز ونەرلەرىمەن ءتانتى ەتتى. سايىسقا قازاقستاننىڭ ەڭبەك سىڭىرگەن قايراتكەرى ساۋلە مەشىتبايقىزى, ارداگەر ۇستاز قاجىمۇرات ءناسي ۇلى, ەلوردالىق ايەلدەر ىستەرى جانە وتباسىلىق دەموگرافيالىق ساياسات جونىندەگى كوميسسيا حاتشىسى قارلىعاش ساركەنوۆا باستاعان بەلگىلى تۇلعالار قازىلىق جاسادى.
سونىمەن ۇلتتىق قۇندىلىقتى دارىپتەگەن بايقاۋدىڭ باس جۇلدەسىن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى كوللەدجىنىڭ ستۋدەنتى ايدانا تىلەۋجان جەڭىپ الدى. وعان اتاقتى زەرگەر بەرىك ءالىبايدىڭ شاكىرتى ءارى ۇلى زيات بەرىك ۇلىنىڭ قولىنان شىققان تازا كۇمىستەن قاقتالىپ سوعىلعان شاشباۋ تابىس ەتىلدى. ال ءبىرىنشى ورىندى «استانا پروفي» قالالىق شارۋاشىلىق كوللەدجىنىڭ ستۋدەنتى زەرە رۇستەمقىزى يەلەندى. بۇل ارۋعا دا زيات زەرگەر جاساعان قوڭىراۋ سىرعا مەن قۇس تۇمسىق جۇزىك بەرىلدى. ەكىنشى ورىن سەرۆيس جانە تۋريزم كوللەدجىنىڭ ستۋدەنتى انيسا قۇرماشەۆا مەن تەحنيكالىق كوللەدجدىڭ ستۋدەنتى اقبوتا بالابايعا بۇيىردى. ءۇشىنشى ورىندى «ۋربان» كوللەدجىنىڭ ستۋدەنتى راۋان رۋسلانقىزى, «استانا پوليتەح» جوعارى كوللەدجىنىڭ ستۋدەنتى اياگوز نابيعات جانە جوعارى كولىك جانە كوممۋنيكاتسيا كوللەدجىنىڭ ستۋدەنتى ورىنباسار راحيموۆا ءوزارا ءبولىستى. سونداي-اق ز.مىرزاعۇلوۆا اتىنداعى «دانالىق» جوعارى مەديتسينالىق كوللەدجىنىڭ ستۋدەنتى قاراقات ءپىرنيازوۆا «كورەرمەن كوزايىمى» اتالىمىنا يە بولدى. جۇلدەگەرلەردىڭ ءبارى دە باعالى سىيلىقتارمەن ماراپاتتالدى.
