فوتو: اشىق دەرەككوز
ارمان شاققاليەۆ اتاپ وتكەندەي, وتكەن اپتادا الەۋمەتتىك ماڭىزى بار ازىق-ت ۇلىك تاۋارلارىنىڭ باعا يندەكسىندە وزگەرىس بايقالمادى.
«قازاقستاندا باعا مونيتورينگىن ۇلتتىق ستاتيستيكا بيۋروسى جۇرگىزەدى, ءبىز بۇل دەرەكتەردى ۇنەمى قولدانامىز. كەيىنگى مالىمەتتەردى ايتايىن. وتكەن اپتادا الەۋمەتتىك ماڭىزى بار ازىق-ت ۇلىك تاۋارلارىنىڭ باعا يندەكسى وزگەرىسسىز بولدى. وندا 19 پوزيتسيا بار ەكەنىن ەسكە سالا كەتەيىن. جاي عانا وزگەرىس جوق. جاڭا جىلدىق قورجىنعا قاتىستى داستارحاننىڭ باعا يندەكسىنە ساي بەلگىلى ءبىر بولجام بار. ءبىز شارتتى تۇردە 37-گە جۋىق تاۋاردى الدىق. كەيبىر پوزيتسيادا بەلگىلى ءبىر وزگەرىس بار. مىسالى, جۇمساق قاپتاماداعى ءسۇت, ماندارين, شامپان سياقتى», دەدى مينيستر.
وسى تۇستا مينيستر كەي ازىق-ت ۇلىكتىڭ قىمباتتاپ كەتۋ سەبەبىن ءتۇسىندىرىپ بەردى.
«قازىر شامامەن 10,3% جىلدىق ينفلياتسيامىز بار. جاڭا جىلدىق قورجىن ءۇشىن ول شامامەن 10-10,7% بولادى. ءيا, وزگەرىستەر بار. ءبارىمىز جاڭا جىلدا ۇلكەن داستارحان جايىپ, دۇركىرەتىپ تويلايمىز. بۇل - ماۋسىمدىق كەزەڭ. ونىڭ ىشىندە مەرەكە قارساڭىندا باعانىڭ وسكەنى بايقالادى. دەگەنمەن ونىڭ يندەكستەر شەگىندە بەلگىلى ءبىر ءمانى بار», دەپ ءتۇسىندىردى ساۋدا ءمينيسترى.
