ءىس-شاراعا قاتىسۋشىلار الدىندا ءسوز العان پرەمەر-ءمينيستردىڭ ورىنباسارى تامارا دۇيسەنوۆا دارىگەرلەردىڭ حالىقتىڭ ءومىرى مەن دەنساۋلىعىن ساقتاۋ, وتاندىق مەديتسينانىڭ دامۋى جولىنداعى ەڭبەگىن اتاپ ءوتىپ, العىسىن ءبىلدىردى. سونداي-اق ۆيتسە-پرەمەر سالانى دامىتۋ جولىندا ۇكىمەت قولعا العان ءىس-شارالار تۋرالى دا ايتىپ ءوتتى.
ء«بىزدىڭ باستى ماقساتىمىز – حالىقتىڭ قولجەتىمدى ءارى ساپالى مەديتسينالىق قىزمەت الۋى ءۇشىن جاعداي جاساۋ. قازىردە ەلىمىزدىڭ ءار ايماعىندا ماماندارىمىز كۇردەلى وتالار, ونىڭ ىشىندە جۇرەك-قان تامىرلارى اۋرۋلارىنا بايلانىستى وپەراتسيالار جاساپ ءجۇر. بۇل مەديتسينالىق قىزمەت ساپاسىن ايتارلىقتاي جاقسارتۋعا مۇمكىندىك بەردى. مەملەكەت باسشىسىنىڭ تاپسىرماسىنا سايكەس «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى جۇزەگە اسىرىلىپ كەلەدى. ونىڭ اياسىندا اۋىلداردا 655 العاشقى مەديتسينالىق-سانيتاريالىق كومەك كورسەتۋ نىسانىن اشۋ ماقساتى تۇر. ولاردىڭ ءبىر بولىگى قازىردە اشىلىپ, جۇمىس ىستەپ تۇر», دەدى ت.دۇيسەنوۆا.
دەنساۋلىق ساقتاۋ مينيسترلىگى ۇيىمداستىرعان سامميت ەلىمىزدىڭ بارلىق وڭىرىنەن كەلگەن 1 500-گە جۋىق ادامنىڭ باسىن قوستى. بۇل جيىن مەديتسينا سالاسىنداعى سوڭعى جەتىستىكتەردى تالقىلاۋ مەن تاجىريبە الماسۋ الاڭىنا اينالدى.
سامميت اياسىندا ءداستۇرلى تۇردە ۇزىك وتاندىق ماماندارعا «اltyn shipager» ۇلتتىق مەديتسينا سىيلىعى تابىستالدى. جەڭىمپازدار 17 اتالىم بويىنشا ماراپاتتالدى. ولاردىڭ قاتارىندا ستاتسيونار, جەدەل جاردەم دارىگەرلەرى, اۋىلدىق جەرلەردەگى مەديتسينا قىزمەتكەرلەرى, مەديتسينالىق كوللەدج ۇستازدارى, پروۆيزورلار, فەلدشەرلەر, مەدبيكەلەر جانە ت.ب. ماماندار بار.
