قىزىلشانىڭ تارالۋىن انىقتاۋ بارىسىندا ونىڭ ءبىر-بىردەن بىرىككەن اراب امىرلىكتەرىنەن, رەسەي فەدەراتسياسىنان جانە قىرعىزستان رەسپۋبليكاسىنان اكەلىنگەنى راستالدى.
سولتۇستىك قازاقستان وبلىسىنىڭ سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى اسەت جۇماتاەۆتىڭ ايتۋىنا قاراعاندا, جاس قۇرىلىمى بويىنشا سىرقاتتانعانداردىڭ ەڭ كوبى 15 جاسقا دەيىنگىلەر اراسىندا انىقتالعان. وندايلاردىڭ سانى – 49 ادام, بۇل – بارلىق سىرقاتتىڭ 65%-ى. ال 15-تەن 19-عا دەيىنگىلەر اراسىندا – 23 سىرقات, 20 مەن 29 جاستاعىلار اراسىندا 14 ادامنىڭ قىزىلشا جۇقتىرعانى بەلگىلى بولدى. وسىنىڭ ءوزى بۇل دەرتتىڭ جاس بالالار مەن جاسوسپىرىمدەر اراسىنا تەز تارالاتىنىن كورسەتىپ وتىر.
بارلىق تىركەلگەن ناۋقاستىڭ 79%-ى – ۆاكتسينا الماعاندار. بۇلاردىڭ سانى – 59 ادام. 22 ناۋقاس ۆاكتسينادان جەكە سەنىمى بويىنشا باس تارتقان, ال 33 ادام وزدەرىنىڭ ۆاكتسينالاۋدان حابارى بولماعانىن ايتقان. قالعانى – مەديتسينالىق كورسەتكىشتەر بويىنشا ەكپەدەن بوساتىلعاندار جانە ۆاكتسينالاۋ جاسىنا جەتپەگەندەر.
ەرەسەكتەردى الەۋمەتتىك-كاسىپتىك قۇرىلىم بويىنشا زەرتتەگەندە ناۋقاستاردىڭ ەڭ كوبى اسكەري ينستيتۋتتىڭ قىزمەتشىلەرى اراسىنان شىققان. قىزىلشاعا ۇشىراعان بارلىق ادامنىڭ 29-ى, ياعني 39%-ى وسىلارعا تيەسىلى بولىپ وتىر. كۇتىمى از بالالار اراسىنان 15 ادامنىڭ ناۋقاس ەكەنى انىقتالدى. ال وقۋشىلار اراسىنان 10 بالانىڭ سىرقات ەكەنى بەلگىلى بولعان.
«قىزىلشانىڭ الدىن الۋدىڭ بىردەن-ءبىر سەنىمدى جولى ۆاكتسينالاۋ ەكەنىن ەسكەرە وتىرىپ, قىزىلشانىڭ ودان ءارى تارالۋىن بولدىرماۋ ءۇشىن ەلىمىزدىڭ باس مەملەكەتتىك سانيتارلىق دارىگەرى «قىزىلشاعا قارسى سانيتاريالىق-ەپيدەمياعا قارسى جانە سانيتاريالىق-پروفيلاكتيكالىق ءىس-شارالاردى جۇرگىزۋ تۋرالى» 2023 جىلعى 1 قاراشاداعى №7 قاۋلىعا قول قويدى. وسىعان سايكەس 2023 جىلعى 6 قاراشادان باستاپ قىزىلشاعا, قىزامىق جانە پاروتيتكە قارسى قوسىمشا جاپپاي يممۋنداۋ جۇرگىزۋ جالعاسىپ جاتىر. وبلىستا قىزىلشاعا قارسى 3 900-دەي بالا جوسپاردان تىس ەكپە الدى. ونىڭ ىشىندە تۋعانىنا 6 ايدان 11 ايعا دەيىنگى بوبەكتەر – 1 103, 2 جاسقا دەيىنگى سابيلەر – 709, 2 جاستان 4 جاسقا دەيىنگىلەر – 2 077 جانە ت.ب بولعان. سونىمەن قاتار 86 مەديتسينا قىزمەتكەرىنە ۆاكتسينا ەگىلگەن», دەدى ءا.جۇماتاەۆ.
قازاقستاندا سيپاتتامالارى بويىنشا ددۇ-نىڭ بارلىق تالابىنا سايكەس كەلەتىن, ەل اۋماعىندا تىركەلگەن ۆاكتسينالار قولدانىلادى. قىزىلشا اۋا تامشىلارى ارقىلى بەرىلەتىن قاۋىپتى ينفەكتسيالىق اۋرۋعا جاتادى. قىزىلشانىڭ الدىن الۋدىڭ ەڭ ءتيىمدى جولى – ۆاكتسينا الۋ. ء«وز دەنساۋلىعىڭىزدى كۇتىڭىزدەر, اسقىنۋلاردى بولدىرماۋ جانە باسقالارعا جۇقتىرماۋ ءۇشىن سىرقات پايدا بولعان كەزدە دەرەۋ مەديتسينالىق كومەككە جۇگىنىڭىزدەر», دەدى ءا.جۇماتاەۆ.
سولتۇستىك قازاقستان وبلىسى
