فوتو: senate.parlam.kz
سەناتتىڭ بۇگىنگى وتىرىسىندا دەپۋتات اقمارال ءالنازاروۆا ۇكىمەت باسشىسى ءاليحان سمايىلوۆتىڭ اتىنا دەپۋتاتتىق ساۋال جولداپ, مەكتەپ اسحاناسىنداعى جونسىزدىكتى سىنعا الدى. قازاقستانداعى بالالاردىڭ 58%-ى انەمياعا شالدىققانىن, ا دارۋمەننىڭ تاپشىلىعى بايقالاتىن بالالاردىڭ قاتارى 23%-عا جەتكەنىن ايتتى.
ء«بىلىم بەرۋ مەكەمەلەرىندە تاماقتانۋعا بايلانىستى توپتىق سىرقاتتانۋ تىركەلگەن جاعدايلار كوبەيىپ كەتتى. 2020 جىلدان بەرى مەكتەپ جاسىنداعى 425-كە جۋىق بالا تاماقتان توپپەن ۋلانۋ سالدارىنان زارداپ شەكتى. نەگىزگى سەبەپتەر اسحانا قىزمەتكەرلەرى اراسىندا ىشەك ينفەكتسياسىنىڭ بولعانى, مەديتسينالىق تەكسەرۋدەن ءوتۋ تۋرالى قۇجاتتاردى قولدان جاساۋ, وبەكتىنىڭ سانيتارلىق-ەپيدەميولوگيالىق قورىتىندىسىنىڭ بولماۋى, ازىق-ت ۇلىكتى ساقتاۋ جانە وتكىزۋ شارتتارىنىڭ بۇزىلۋ جاعدايى بولىپ وتىر. اسحانا سالاسىنداعى قىزمەتكەرلەرىنىڭ بىلىكتىلىگى ماسەلەسى ەرەكشە نازار اۋدارۋدى تالاپ ەتەدى. ءاربىر ءۇشىنشى مەكتەپ اسحاناسىندا كاسىبي ءبىلىمى جوق اسپازدار جۇمىس ىستەيدى, 21,8%-ىندا ارنايى بىلىكتىلىگى جوق. ءبىلىم بەرۋ ۇيىمدارىندا تازا اۋىز سۋعا قول جەتكىزۋ ءالى دە پروبلەما بولىپ قالىپ وتىر. مەكتەپ وقۋشىلارىنىڭ 68%-ى ۇيدەن سۋ اكەلەدى, شامامەن 30%-ى مەكتەپتەن سۋ ساتىپ الادى. مەكتەپ قابىرعاسىندا اۋىز سۋعا قول جەتكىزۋ بالالاردىڭ قانتتى سۋسىنداردى ءىشۋىن ازايتادى. سونداي-اق مەكتەپتەگى تاماقتانۋ قۇنى تۋرالى ءبىر اۋىز ءسوز ايتايىن. مەكتەپتەگى تاماقتانۋ قۇنىن ەسەپتەۋ بارىسىندا شيكىزاتتىق ەمەس شىعىندار ەسەپكە الىنبايدى, ءونىمدى ساتىپ الۋعا تىكەلەي شىعىندار عانا ەسكەرىلەدى. بۇل تولىققاندى جانە تەڭدەستىرىلگەن ءمازىردى قامتاماسىز ەتۋگە مۇمكىندىك بەرمەيدى», دەدى سەناتور.
