وبلىستا اۋقىمدى جۇمىس اتقارىپ جۇرگەن ۆولونتەرلىك ۇيىمداردىڭ ءبىرى «Lider.kz» ىزدەۋ جاساعى جوعالعان ادامداردى ىزدەۋ, توتەنشە جاعداي كەزىندە كومەك كورسەتۋ جۇمىستارىنا بەلسەنە قاتىسىپ كەلەدى. «دانالىق» قوعامدىق قورى وتكەن جىلدان بەرى «اسىل مۇرا» جالپىۇلتتىق جوباسىن رەسپۋبليكا كولەمىندە ىسكە اسىرىپ ءجۇر. بەلسەندى جاستاردان تۇراتىن باستاماشىل توپتار الەۋمەتتىك ءالسىز توپتارعا كومەكتەسۋگە ءار كەزدە دايىن. اباي وبلىسىنداعى ۆولونتەرلەردىڭ جۇمىس دەڭگەيى سەمەي ورمانىندا بولعان توتەنشە جاعداي كەزىندە دە ايقىن كورىندى. 300-دەن اسا ۆولونتەر ارنايى قۇرىلعان شتابتاردا كۇنى-ءتۇنى كومەك كورسەتكەنىنە سول وقيعاعا وراي بارعانىمىزدا كۋا بولدىق.
جالپى, جىل باسىنان بەرى وبلىس بويىنشا 458 ۆولونتەرلىك ءىس-شارا ۇيىمداستىرىلعان. بۇل جۇمىستار «تازا الەم», «قامقور», «اسىل مۇرا», ء«بىلىم», «ساباقتاستىق», «ايالا», تاعى دا باسقا باعىتتار بويىنشا ورىندالىپ وتىر. رەسپۋبليكا بويىنشا ىسكە اسىرىلىپ جاتقان «Biz birgemiz!» جالپىۇلتتىق جوباسى اياسىندا وبلىستىڭ ۇەۇ مەن باستاماشىل توپتارى 15 شاعىن گرانت جەڭىمپازى اتاندى.
وبلىستاعى ۆولونتەرلىك قوزعالىستاردى دامىتۋ ماقساتىندا «اباي وبلىسىنىڭ قوعامدىق دامۋ باسقارماسى» مم الەۋمەتتىك تاپسىرىسى اياسىندا «جاستاردىڭ ۆولونتەرلىك باستامالارىن قولداۋ» الەۋمەتتىك جوباسى ىسكە اسىرىلىپ كەلەدى. جوبا اياسىندا وبلىس ۆولونتەرلەرىنىڭ بازاسى دايىندالىپ, ۆولونتەرلىك ۇيىمدار رەەسترى جاسالماق.
اباي وبلىسىنىڭ ۆولونتەر جاستارى جىلدى تابىستى اياقتادى. جىل قورىتىندىسىندا «Biz birgemiz!» جالپىۇلتتىق جوباسى اياسىندا «ينتەللەكتۋالدى جاستار قاۋىمداستىعى» قق جۇزەگە اسىرعان «باسەكە» جوباسى ۇزدىك دەپ تانىلدى. « ۇلى دالا سارىنى» بايقاۋىندا قاۋىمداستىق «جىلدىڭ ۇزدىك ۇيىمى» اتالىمىن, رۋسلان بۋتاناەۆ «ۇزدىك قوعامدىق قىزمەتكەر» اتالىمىن جەڭىپ الدى. ال «جىل ۆولونتەرى» حالىقارالىق سىيلىعىن تابىستاۋ راسىمىندە «اق نيەت» ۇيىمىنىڭ جەتەكشىسى ا.دۇيسەنوۆا مەن بۇۇ-نىڭ ەسىرتكىگە قارسى كۇرەس ۇيىمىنىڭ ەرىكتىسى ر.بۋتاناەۆتىڭ ماراپاتتالعانى قۋانتادى.
