جىل باسىنان بەرى ۆولونتەرلەر 600-دەن اسا ءىس-شارانىڭ, اكتسيانىڭ وتۋىنە مۇرىندىق بولعان. ەرىكتىلەر وسى مەرىزمگە دەيىن 60 مىڭ تونناعا جۋىق گۋمانيتارلىق كومەك جيناپ, 200-دەن استام قان دونورىن تارتىپ, مىڭنان استام وتباسىنا قاجەتتى ازىق-ت ۇلىك قورىن جەتكىزگەن. الماتى قالاسى ۆولونتەرلەر فرونت-ءوفيسىنىڭ جەتەكشىسى باعدات انارباەۆانىڭ ايتۋىنشا, ەرىكتىلەر قيىن جاعدايدا قالعان ادامدارعا جانە از قامتىلعاندار وتباسىلارعا قامقورلىق جاساپ, قورشاعان ورتانى قورعاۋدا, مۇقتاجدارعا كومەك كورسەتۋدە ۇنەمى الدىڭعى شەپتە كەلەدى.
ەرىكتىلەر اتا-اناسىنىڭ قامقورلىعىنان ايىرىلعان بالالاردى وقىتۋ, جالعىزباستى زەينەتكەرلەرگە ارنالعان پانسيوناتتاردا شىعارماشىلىق كەشتەر ۇيىمداستىرۋ ىسىندە بەلسەندى بولسا, ەندى ءبىرى جان-جانۋارلارعا نەمەسە قورشاعان ورتانىڭ تازالىعىن ساقتاۋعا اتسالىسىپ ءجۇر.
ەرىكتىلەر قالا تۇرعىندارىنا ۇنەمى قۋانىش سىيلاۋعا ءازىر. ولار قالانىڭ بارلىق اۋدانىندا ەلىمىزدە تۇسىرىلگەن فيلمدەردىڭ تەگىن كورسەتىلىمدەرىن وتكىزۋدى داستۇرگە اينالدىرعان. بۇل تۇرعىندارعا قىزىقتى دەمالىس سىيلاپ قانا قويماي, كينويندۋستريا جاڭالىقتارىنان حاباردار بولىپ وتىرۋعا ىقپال ەتەدى. ال بارلىق اۋداندا جۇمىس ىستەيتىن تىلدەر ساياباعىندا قالالىقتار ءۇشىن قازاق تىلىمەن قاتار شەت تىلدەرىن دە تەگىن ۇيرەنۋگە قولايلى جاعداي قاراستىرىلعان. تىلدەر ساياباعىنا كەلۋشىلەر ەرىكتىلەردىڭ ءار قادامىنا ۇنەمى ريزاشىلىعىن ءبىلدىرىپ وتىرادى.
وتكەن جىلى ەرىكتىلەر ەلمەن بىرگە بار قيىنشىلىقتى ەڭسەرە وتىرىپ, تۇركيانىڭ زارداپ شەككەن تۇرعىندارىنا – 51,5 توننا, سيرياعا 3 توننادان استام گۋمانيتارلىق كومەك جانە اباي وبلىسىنىڭ تۇرعىندارىنا 5 توننا كومەك جيناعان. قانداي قيىندىقتا دا بىرگە بولىپ, مۇقتاج جانداردىڭ جۇرەگىنە ءۇمىت پەن جۇبانىش, اينالاعا قۋانىش پەن مەيىرىم سىيلاۋدى ماقسات ەتەدى.
الماتى
