اتاپ ايتقاندا, مەملەكەتتىك كورسەتىلەتىن قىزمەتتەر ءتىزىلىمى ارناۋلى كاسىبي مەملەكەتتىك جاردەماقىلار تاعايىنداۋ تارماعىمەن تولىقتىرىلدى.
تۇسىندىرىلگەندەي, 2024 جىلعى 1 قاڭتاردان باستاپ زياندى ەڭبەك جاعدايلارىندا جۇمىس ىستەيتىن قىزمەتكەرلەرگە ونەركاسىپ پەن سالالاردى دامىتۋعا قوسقان قوماقتى ۇلەسىن ەسكەرە وتىرىپ, زەينەتكەرلىك جاسقا جەتكەنگە دەيىن 55 جاستان باستاپ ارنايى الەۋمەتتىك تولەمدەردى ەنگىزۋ جوسپارلانىپ جاتىر. قىزمەتكەردىڭ دەنساۋلىعىنا كەلتىرىلگەن زياننىڭ دارەجەسى ەسكەرىلەدى.
وسىعان بايلانىستى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قوعامدىق بىرلەستىكتەر ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى اياسىندا تاسىلدەر ازىرلەندى.
زاڭ جوباسىندا ءتورت تولەم كوزىنەن تۇراتىن مكقك قاراستىرىلعان, ونىڭ ءبىرى - رەسپۋبليكالىق بيۋدجەتتەن تولەنەتىن ارنايى كاسىبي مەملەكەتتىك جاردەماقى.
قازىرگى ۋاقىتتا زاڭ جوباسى قازاقستان رەسپۋبليكاسى پارلامەنتى سەناتىندا قارالىپ جاتىر.
قۇجات جوباسى 20 جەلتوقسانعا دەيىن قوعامدىق تالقىلاۋ ءۇشىن «اشىق نقا» سايتىندا ورنالاستىرىلعان.
قازاقستاندىق كەنشىلەر جاڭا الەۋمەتتىك جەڭىلدىكتەرگە يە بولاتىنى بۇعان دەيىن حابارلانعان بولاتىن. ەڭبەك مينيسترلىگى زياندى ەڭبەك جاعدايلارىندا جۇمىس ىستەيتىن قىزمەتكەرلەرگە ارناۋلى كاسىبي مەملەكەتتىك جاردەماقىلاردى تاعايىنداۋ, جۇزەگە اسىرۋ, توقتاتا تۇرۋ, جاڭارتۋ جانە تولەۋدى توقتاتۋ قاعيدالارىنىڭ جوباسىن ازىرلەدى.
2024-2026 جىلدارعا ارنالعان ارناۋلى كاسىبي مەملەكەتتىك جاردەماقىلاردى تولەۋگە ارنالعان رەسپۋبليكالىق بيۋدجەتتەن شىعىستار 84 754,8 ملن تەڭگەنى قۇرايدى.
