ۆولونتەرلىك قىزمەت – وڭاي جۇمىس ەمەس. ۆولونتەرلىك - الەۋمەتتىك جۇمىستىڭ ماڭىزدى ادىستەرىنىڭ ءبىرى. ياعني بۇل قىزمەت سىياقى تالاپ ەتپەي, قوعامنىڭ يگىلىگى ءۇشىن ءوز ەركىمەن جۇمىس ىستەۋ. سەبەبى اتالعان قىزمەت الەمدى باسقا كوزبەن كورۋگە, جاڭا نارسە ۇيرەنۋگە, ءارتۇرلى ادامدارمەن تانىسۋعا جانە كوپتەگەن مۇمكىندىكتەر بەرەدى.
5 جەلتوقسان - حالىقارالىق ەرىكتىلەر كۇنىنە وراي ەلوردادا 4-11 جەلتوقسان ارالىعىندا «ەرىكتى بولۋ وڭاي» ۇرانىمەن قىسقى جاقسىلىق اپتالىعى اياسىندا ۆولونتەرلەر بەلسەندىلىگى اپتالىعى ءوتىپ جاتىر.
وسىعان وراي استانا قالاسى اكىمدىگىنىڭ «استانا جاستارى» جرو» كمم «استانا قالاسىنىڭ جاستار ساياساتى ماسەلەلەرى باسقارماسى» مم بىرلەسىپ ۆولونتەرلىك جانە قايىرىمدىلىق ۇيىمىنىڭ, قوزعالىستار مەن قورلاردىڭ باسشىلارىن ماراپاتتاۋ ءراسىمى ءوتتى.
اتاپ ايتساق, ءىس-شاراعا حابار-وشارسىز كەتكەن ادامداردى ىزدەۋمەن اينالىساتىن «استانا ەرىكتىلەرى LIDER.KZ» قب, جالعىزباستى قارتتار مەن ەرەكشە قاجەتتىلىكتەرى بار ادامدارعا, جالعىزباستى انالارعا اتاۋلى الەۋمەتتىك كومەك كورسەتەتىن «كلۋب دوبرياكوۆ» قق, قايىرىمدىلىق نەگىزدە كيىم, اياق كيىم جينايتىن الەۋمەتتىك دۇكەندى جۇرگىزەتىن «LikeKomek» جشس, اۆتوۆولونتەر رەتىندە كومەك كورسەتەتىن «Skoda club Astana» اۆتوكلۋبى, اۋلاۋعا تۇسكەن ءۇي جانۋارلارىنا كومەك كورسەتەتىن «New.life.astana» ءپريۋتى, بالالار ۇيىندە ترەنينگتەر, ماستەر-كلاسستار, تۋرنيرلەر وتكىزۋمەن جانە از قامتىلعان وتباسىلاردان شىققان جانە مۇمكىندىگى شەكتەۋلى بالالاردى وقىتۋمەن اينالىساتىن «MikaSun» باستاماشىل ەرىكتىلەر توبى جانە ت.ب ۇيىمدار قاتىستى.
