Kaktus.media سايتىنىڭ جازۋىنشا, جارنامانىڭ فوتوسەسسياسى مەن بەينەتۇسىرىلىم قاي ەلدە جانە قاشان تۇسىرىلگەنى تۋرالى ەش اقپارات جوق.
الايدا كيىز ءۇيدىڭ كىرە بەرىسىندەگى گوبەلەن مەن كيىز ءۇيدىڭ ەسىگىندەگى ويۋ-ورنەككە قاراعاندا, بۇل موڭعوليادان الىنعان كيىز ءۇي بولۋى مۇمكىن.
«گوبەلەندەگى گەومەتريالىق ورنەك موڭعول مادەنيەتىندە نەمەسە ءسىبىر تۇرعىندارى اراسىندا كەڭ تارالعان, بىراق قىرعىزدار مەن قازاقتاردا كەزدەسپەيدى. بۇل ەسىكتەگى ورنەكتەرگە دە قاتىستى: ەلەمەنتتەردىڭ مۇنداي ورنەگى وتە قاراپايىم بولعانىمەن, بۇل ۇلتتارعا ءتان ەمەس», دەپ جازادى باسىلىم.
برەندتىڭ رەسمي سايتىندا ونىمدەردىڭ ماتەريالدارىن موڭعوليادان نەمەسە ىشكى موڭعوليا ايماعىنان (قىتاي) اكەلىنگەنى ايتىلعان.
«وسى فاكتورلاردىڭ بارلىعىن ەسكەرە وتىرىپ, تانىستىرىلىمدا كورسەتىلگەن كيىز ءۇي باسقا ەتنوس وكىلدەرىنەن گورى موڭعول ەلىنەن بولۋى مۇمكىن دەپ بولجاۋعا بولادى. كيىز ءۇي تەك قىرعىزداردىڭ نەمەسە قازاقتاردىڭ عانا ەمەس, سونىمەن بىرگە ورتالىق ازيانىڭ, موڭعوليا مەن ءسىبىردىڭ بارلىق كوشپەلى مادەنيەتتەرىنە ءتان ەكەنىن ەستە ۇستاعان ءجون», دەلىنگەن ماقالادا.
