كونفەرەنتسيا بارىسىندا «الەۋمەتتىك جەلىلەردەگى كونتەنت جانە كوممۋنيكاتسيا ستيلدەرىنىڭ تۇرلەرى», «سايلاۋ كوميسسيالارىنىڭ الەۋمەتتىك قىزمەتىن مەديا جوسپارلاۋدىڭ جاڭا تاسىلدەرى» تاقىرىپتارى كەڭىنەن تالقىلانىپ, ءىس-شاراعا قاتىسۋشىلار ەلىمىزدەگى ساياسي ناۋقان جونىندە وي-ۇسىنىستارىن ورتاعا سالدى.
سەمەي اۋماقتىق سايلاۋ كوميسسياسى توراعاسىنىڭ ورىنباسارى گۇلجان جاقسىبايقىزىنىڭ ايتۋىنشا, مەملەكەتىمىزدىڭ بولاشاعىمەن تىعىز بايلانىستى جاريالىلىق تالابىنا ساي ماڭىزدى قادامدارعا ءاردايىم سەرگەك قاراۋ قاجەت.
– ءساۋىر ايىندا استانا قالاسىندا سايلاۋ كوميسسيالارىنىڭ جۇمىسى بويىنشا ەلەكتورالدى وقىتۋ تۇرىندە ارنايى كۋرس وتكەن بولاتىن. قازىر وسى باعىتتا ۇنەمى كونفەرەنتسيالار وتكىزىلىپ, وعان تۇراقتى قاتىسىپ وتىرامىز. بۇگىندە, مىنە, «تاراپتار اراسىنداعى ءوزارا تۇسىنىستىكتى تەرەڭدەتۋ» تاقىرىبىندا كونفەرەنتسيا وتكىزىپ وتىرمىز. جيىندا الەۋمەتتىك جەلىلەردە ءارتۇرلى سۇراق پەن كەلەڭسىز كوممەنتاريگە قالاي جاۋاپ بەرۋ كەرەكتىگى جونىندە وسك تاراپىنان كەڭەستەر بەرىلدى. مۇنداي باسقوسۋلار حالىقتىڭ دەموكراتيالىق ۇدەرىستەرگە بەيجاي قارامايتىندىعىن ايعاقتايدى, قايتا بەلسەنە ارالاسۋعا ءازىر ەكەندىگىن تانىتقانىنا كۇمان جوق, – دەيدى گ.قۋانىشەۆا.
ورتالىق سايلاۋ كوميسسياسىنىڭ ۇيىمداستىرۋىمەن وتكەن ەكى كۇندىك كونفەرەنتسيا بارىسىندا 2023 جىلى اتقارىلعان جۇمىستار قورىتىندىلانادى.
