فوتو: gov.kz
جاڭا كوپىردىڭ ارقاسىندا ماڭگىلىك ەل داڭعىلىنىڭ ۇلى دالا داڭعىلى مەن كەرەي جانىبەك حاندار كوشەسى ارالىعىندا كولىك ءنوپىرى تاۋلىگىنە ورتا ەسەپپەن 19%-عا ازايعانى بايقالعان. سونداي-اق تاڭەرتەڭگى قاربالاس ساعاتتاردا 14%-عا, ال كەشكى قاربالاس ۋاقىتتا 5,5%-عا تومەندەۋى بايقالادى.
ماڭگىلىك ەل داڭعىلىنىڭ بويىندا كەرەي جانىبەك حاندار كوشەسىنەن قوناەۆ كوشەسىنە دەيىنگى ۋچاسكەدە (سولتۇستىك باعىتتا) كەپتەلىس كەشكى ۋاقىتتا 11,8%-عا, وڭتۇستىك باعىتتا 8,2%-عا تومەندەگەن. سونداي-اق قارقىندىلىقتىڭ تاڭەرتەڭگى ۋاقىتتا 21,2%-عا ازايعان (وڭتۇستىك باعىتتا).
سونداي-اق كوپىردىڭ تۇركىستان كوشەسىندەگى كولىك كەپتەلىسىنە دە وڭ اسەرىن ەرەكشە اتاپ وتۋگە بولادى. ۇلى دالا داڭعىلىنان كەرەي جانىبەك حاندار كوشەسى ارالىعىنداعى تۇركىستان كوشەسىندە قارقىندىلىقتىڭ تاۋلىگىنە تومەندەۋى سولتۇستىك باعىتتا – 12,5%. سونداي-اق قارقىندىلىقتىڭ تاڭەرتەڭگى قاربالاس ۋاقىتتا 21%-عا, كەشكى ۋاقىتتا 17%-عا ازايعانى انىقتالعان.
دەرەكتەردى «Sergek ITS» تالداۋ, مونيتورينگ جانە كولىكتىك بولجاۋ بويىنشا ينتەللەكتۋالدى كولىك جۇيەسى ارقىلى ماماندار دايىندايدى.
ەستەرىڭىزگە سالايىق, تاۋەلسىزدىك كوپىرى الماتى مەن ەسىل اۋداندارى اراسىنداعى قوسىمشا بايلانىستى قامتاماسىز ەتەدى. سول سياقتى وزگە كوشەلەردەگى كەپتەلىستى ەداۋىر ازايتۋعا مۇمكىندىك بەرەدى: سول جاعالاۋدى تاۋەلسىزدىك داڭعىلىمەن, جاڭا تەمىرجول ۆوكزالىمەن, قوشقارباەۆ داڭعىلىمەن, ناجىمەدەنوۆ كوشەسىمەن, ازىرەت سۇلتان مەشىتىمەن, بايتۇرسىنوۆ, قورداي, ايناكول كوشەلەرىمەن, مومىش ۇلى داڭعىلىمەن جانە ت.ب. قوسىمشا بايلانىستى قامتاماسىز ەتەدى.
كوپىر سەگىز جولاقتى – ەكى باعىتتا ءتورت جولاقتان. كوپىردىڭ شەت جاقتارىندا جاياۋ جۇرگىنشىلەر ايماقتارى مەن ۆەلوجولدار بار. ال كوگالداندىرۋ جۇمىسى كوكتەمدە اياقتالادى.
