وسىعان وراي «وتانداستار قورى» كەاق جانە س.سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتىنىڭ ۇيىمداستىرۋىمەن استانادا ستۋدەنتتەر اراسىندا «Otandastar cup» حالىقارالىق باسكەتبول ءتۋرنيرى ءوتتى.
جارىستىڭ اشىلۋ سالتاناتىندا ءسوز العان سەنات جانە ءماجىلىس دەپۋتاتتارى عالياسقار تولەندى ۇلى, بولات باقبەرگەن ۇلى, امانگەلدى عابدىلكارىم ۇلى, «وتانداستار قورى» ۇيىمىنىڭ باسشىسى ابزال ساپاربەك ۇلى, س.سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتىنىڭ باسقارما مۇشەسى, ستۋدەنتتەر ءىسى جونىندەگى پرورەكتور جايناگۇل ايتماعانبەتقىزى قانداستارعا ساتتىلىك تىلەدى.
«بۇل ءتۋرنيردىڭ باستى ماقساتى – اتاجۇرتتا ءبىلىم الىپ جاتقان قانداس جاستاردىڭ اراسىندا دوستىق قارىم-قاتىناس ورناتۋ, باۋىرمالدىق پەن بىرلىكتى ناسيحاتتاۋ, سونداي-اق سالاماتتى ءومىر سالتىنا باۋلۋ, ەڭ مىقتى سپورتشىلاردى شارشى الاڭدا انىقتاۋ. جارىسقا «Sine Midas Stroy» قۇرىلىس كومپانياسى دەمەۋشىلىك جاساپ وتىر», دەدى ابزال ساپاربەك ۇلى.
مالىمەتكە سايكەس, بيىل ءۇشىنشى رەت ءوتىپ جاتقان ءداستۇرلى تۋرنيردە وزبەكستان, موڭعوليا, قىتاي قاتارلى الىس-جاقىن شەتەلدەردەن كەلگەن 200-گە جۋىق ستۋدەنت باق سىنادى. سايىسقا 16-25 جاس ارالىعىنداعى ۇل-قىزداردان قۇرالعان 22 كوماندا قاتىستى. ەر بالالاردان 16 كوماندا, قىز بالالاردان 6 كوماندا جاساقتالىپ, سولاردىڭ ىشىنەن سايدىڭ تاسىنداي ىرىكتەلىپ شىققان 6 كوماندا ۇزدىك اتاندى. جەڭىمپازدارعا ارنايى سەرتيفيكات پەن اقشالاي سىيلىق تابىستالدى. سونىمەن, ۇلدار اراسىندا 1-ورىندى – ەۋرازيا ۇلتتىق ۋنيۆەرسيتەتىنىڭ «IMS Astana» كومانداسى (موڭعوليا), 2-ورىندى – پاۆلودار وبلىسىندا ءبىلىم الىپ, كاسىپ باستاپ جۇرگەن جاستاردىڭ «Reggion 14» كومانداسى (موڭعوليا), ال 3-ورىندى ەۇۋ, استانا مەديتسينا ۋنيۆەرسيتەتتەرىنىڭ «قوبدا» كومانداسى (موڭعوليا) الدى.
ال قىزدار اراسىندا, 1-ورىندى – ء«Miamى» موڭعوليا, وزبەكستاننان كەلگەن قىزدار قۇراما كومانداسى, 2-ورىندى – ەۇۋ, استانا IT ۋنيۆەرسيتەتىنەن قۇرالعان «Jas qazaq» كومانداسى (موڭعوليا), ال 3-ورىندى ەۋرازيا ۇلتتىق ۋنيۆەرسيتەتىنىڭ «Eagle» كومانداسى (موڭعوليا) يەلەندى.
سونىمەن قاتار «ۇزدىك سپورتشى» نوميناتسياسىنا وزبەكستاننان كەلگەن قانداسىمىز ارۋجان كاكەنقىزى, موڭعوليالىق ۇمبەت اسكەرحان ۇلى لايىق بولدى.
