فوتو: ۆەدومستۆو. تەلەگرام
فورۋم بارىسىندا سپيكەرلەر شىۇ كەڭىستىگىنىڭ جانە شۇاا تۋريستىك الەۋەتىن, تۇراقتى ءتۋريزمدى ىلگەرىلەتۋ جانە ءتۋريزمدى كەدەيلىكتى قىسقارتۋ فاكتورى رەتىندە دامىتۋ ماسەلەلەرىن تالقىلادى.
«فورۋم شىۇ كەڭىستىگىندە ءتۋريزمدى دامىتۋ بويىنشا جاڭا شەشىمدەردى ىزدەۋگە جانە جاڭا جوبالار ازىرلەۋگە ءتيىمدى الاڭ بولاتىنىنا سەنىمدىمىن. قازاقستان ءاردايىم شىۇ اياسىنداعى جان-جاقتى ءوزارا ءىس-قيمىلدى دامىتۋعا ەرەكشە ءمان بەرەدى. بيىل ەلىمىز شىۇ-عا توراعالىق ەتەدى. الماتى – شىۇ-نىڭ تۋريستىك جانە مادەني استاناسى بولىپ جاريالاندى. ءبىزدىڭ باستامامىزدى قولداعاندارىڭىز ءۇشىن بارىڭىزگە العىس بىلدىرەمىن», دەدى ءمينيستردىڭ ورىنباسارى ەرجان ەركىنباەۆ.
سونداي-اق ەرجان ەركىنباەۆ فورۋم قاتىسۋشىلارىن 2024 جىلعى 8-14 قىركۇيەك كۇندەرى استانادا وتەتىن V دۇنيەجۇزىلىك كوشپەندىلەر ويىندارىنا شاقىردى.
اتاپ ايتقاندا, وسىنداي ءىس-شارالار تۋريستىك الەۋەتتى ىلگەرىلەتۋگە ىقپال ەتەتىنىنى ءمالىم. فورۋم اياسىندا قازاقستان مادەنيەتىنىڭ ەرەكشەلىكتەرى ۇسىنىلعان كورمە جانە تاجىريبە الماسۋ ءۇشىن B2B/ B2G الاڭدارى ۇيىمداستىرىلدى. قازاقستان – قىتاي اراسىنداعى تۋريزم سالاسىن دامىتۋدىڭ وراسان زور الەۋەتىن ەسكەرە وتىرىپ, قازاقستاننىڭ قىتايداعى تۋريزم جىلىن وتكىزۋ – 2024 جىلعى ماڭىزدى وقيعالاردىڭ ءبىرى بولماق.
بۇعان قوسا, فورۋم اياسىندا ەرجان ەركىنباەۆ وزبەكستاننىڭ تۋريزم كوميتەتىنىڭ توراعاسى ۋميد شاديەۆپەن, بەلارۋستىڭ سپورت جانە تۋريزم ءمينيسترى سەرگەي كوۆالچۋكپەن ەكىجاقتى كەزدەسۋلەر وتكىزدى, سونداي-اق قكپ ورتالىق كوميتەتى ساياسي بيۋروسىنىڭ مۇشەسى, قحر شىڭجاڭ-ۇيعىر اۆتونوميالىق اۋدانى پارتيالىق كوميتەتىنىڭ حاتشىسى ما سينجۋيمەن ۇجىمدىق كەزدەسۋگە قاتىستى.
ەكىجاقتى كەزدەسۋلەر بارىسىندا تۋريزم جانە سپورت سالاسىنداعى ىنتىماقتاستىقتىڭ نەعۇرلىم وزەكتى ماسەلەلەرى, اتاپ ايتقاندا ەكوتۋريزم, اگرو جانە تاۋ شاڭعىسى ءتۋريزمى سالاسىنداعى بىرلەسكەن جوبالاردى ىسكە اسىرۋ تالقىلاندى.
